ދިވެހިރާއްޖޭގެ ޤައުމީ ޔުނިވަރސިޓީގެ ސްކޫލް އޮފް ނާރސިންގގެ ނާރސިންގ އާޓްލެބަށް ބޭނުންވާ ބައެއް އިކްއިޕްމަންޓް ފޯރުކޮށްދޭނެ ފަރާތެއް ހޯދުމަށް އެ ޔުނިވަރސިޓީން ވަނީ ބީލަމަށް ހުޅުވާލައިފައެވެ.
މި ބީލަމުގައި ހިމެނެނީ އިކްއިޕްމަންޓް ފޯރުކޮށްދިނުމުގެ އިތުރުން، އިންސްޓޮލޭޝަން އަދި ޓްރެއިނިންގ ދިނުން ވެސް ހިމެނޭ ކަމަށް ޔުނިވަރސިޓީން މަޢުލޫމާތު ދެއެވެ. އަދި މި ބީލަމުގައި ހުށަހަޅާ އަގު 500،000 ރުފިޔާއަށް ވުރެ މަތިވާނަމަ، ބިޑް ސެކިއުރިޓީއެއް ހުށަހަޅަންޖެހޭނެ ކަމަށް ވެސް ބަޔާންކޮށްފައިވެއެވެ.
ބީލަން ހުށަހެޅުމުގެ ސުންގަޑިއަކީ 2024 ވަނަ އަހަރުގެ ޑިސެންބަރު މަހުގެ 9 ވަނަ ދުވަހުގެ ހެނދުނު 10:00 ކަމަށް ޔުނިވަރސިޓީން ބުނެއެވެ. ބީލަން ހުށަހަޅަންޖެހޭނީ ޔުނިވަރސިޓީގެ އިދާރީ މަރުކަޒު (ރަށްދެބައިހިނގުން، މާލެ) އަށެވެ. އަދި ބީލަން ހުށަހަޅަންވާނީ ސިޓީ އުރައެއްގައި ބަންދުކޮށް، އޭގެ ބޭރުގައި ބީލަމުގެ ނަމާއި، އިޢުލާނު ނަންބަރު އަދި ބީލަން ހުށަހަޅާ ފަރާތުގެ ނަން ލިޔެފައި ކަމަށް ވެސް ޔުނިވަރސިޓީން ބުނެއެވެ.
މި ބީލަމާ ގުޅޭ އިތުރު މަޢުލޫމާތު ހޯދުމަށް ބޭނުންވާ ފަރާތްތަކަށް ޔުނިވަރސިޓީގެ ސްކޫލް އޮފް ނާރސިންގ އާއި ޕްރޮކިއުމަންޓް އެންޑް އެސެޓް މެނޭޖްމަންޓް ޑިޕާޓްމަންޓާ ގުޅުމަށް ވެސް އަންގާފައިވެއެވެ. ޓެކްނިކަލް ސްޕެސިފިކޭޝަންއާ ގުޅޭ މަޢުލޫމާތު ހޯދުމަށް ސްކޫލް އޮފް ނާރސިންގގެ ފޯނު ނަންބަރު 3346555 ނުވަތަ 3346551 އަށް ގުޅުމަށާއި، އީމެއިލް [email protected] އަށް މެސެޖް ކުރުމަށް އަންގާފައިވެއެވެ. އަދި ބީލަމާ ގުޅޭ އިދާރީ މަޢުލޫމާތު ހޯދުމަށް ޕްރޮކިއުމަންޓް އެންޑް އެސެޓް މެނޭޖްމަންޓް ޑިޕާޓްމަންޓްގެ ފޯނު ނަންބަރު 3345109، 3345110، 3345148 ނުވަތަ 3345111 އަށް ގުޅުމަށާއި، އީމެއިލް [email protected] އަށް މެސެޖް ކުރުމަށް އަންގާފައިވެއެވެ.
