ގަތަރުގައި ރޭ ފެށި ފީފާ ވޯލްޑް ކަޕުގައި ބޭނުން ކުރާނީ އެއްޖިންސުން ގުޅުން ހިންގުން ޕްރޮމޯޓް ކުރުމަށް ހުޅަނގުގެ ގައުމުތަކުން ބޭނުން ކުރާ ދިދަ ދައްކުވައިދޭ ކެޕްޓަން ބޭންޑް ކަމަށް ހުޅަނގުގެ ބޮޑެތި ބާރުތައް ކަމަށްވާ އިނގިރޭސިންނާއި ޖަރުމަނު އަދި ޑެންމާކާއި ވޭލްސް އަދި ނެދަލޭންޑްސްއިން އަޑު އުފުލުމަށްފަހު، އެންމެފަހު ވަގުތު އެކަން ނުކުރަން ނިންމައިފިއެވެ.
"ނަޖިސް ކެޕްޓަން ބޭންޑް" ނާޅަން ހުޅަނގުގެ ބާރުތަކުން ނިންމީ، މިބޭންޑް އަޅައިގެން ދަނޑަށް ނިކުމެފިނަމަ ކާޑް ދައްކާނެ ކަމުގެ އިންޒާރު ފީފާއިން ދިނުމުންނެވެ.
ވޯލްޑް ކަޕުގެ ފެށުމުގެ ކުރިންވެސް ގަތަރުން ބުނެފައި ވަނީ އެއްޖިންސުން ގުޅުން ހިންގުމަށް ތަރުހީބު ދިނުމަށް އެއްވެސް އާލަތެއް އެގައުމުގެ ފަސްގަނޑުގައި ބޭނުން ކުރިޔަ ނުދޭނެކަމަށާއި އެފަދަ އާލަތެއް ގެންގުޅޭނަމަ ފިޔަވަޅު އަޅާނެ ކަމަށެވެ.
ގަތަރުން ވަނީ މިފަހަރުގެ ވޯލްޑް ކަޕުގައި ސްޓޭޑިއަމްތަކުގައި ބަނގުރާ ވިއްކުމަށް ހުޅަނގުގެ ގައުމުތަކުން ކުރި ޕްރެޝަރަށްވެސް ނޫނެކޭ ބުނެ އެކަން މަނާ ކޮށްފައެވެ. އޭގެ ބަދަލުގައި ގަތަރުން މަސައްކަތް ކުރަމުން ދަނީ ވޯލްޑް ކަޕް ކުރިއަށްދާ ދުވަސްވަރު ގަތަރުގެ ސަގާފަތާއި އިސްލާމީ ރިވެތި އުސޫލުތައް ފެތުރުމަށް މަސައްކަތް ކުރަމުންނެވެ.
ކީއްވެ އެމެރިކާގެ ވާހަކަ ނުދެއްކީ. އެމީހުން އެއީ އެންމެ ގަދަޔަށް ގިރި ކުޅި ޕްރޮމޯޓުކުރާ މީހުން. އިނގިރޭސި ކެޕްޓަންގެ ބޮލަށް އެފްއޭ އިން ޗިޕުޖަހައިގެން އެކަން ކުރަން އޭނަ ހުރީ . އެކަމަކު ގޭސްގަނޑު އެނބުރުވީ އެހެން ބަޔަކު.