64 އަހަރަށްފަހު ވޭލްސްގެ ފުރަތަމަ ފެނިލުން ފުއްދާލަން ޖެހުނީ ޕޮއިންޓަކުން

ވަރލްޑް ކަޕުގެ ތާރިހުގައި 64 އަހަރަށްފަހު ވޭލްސް ކުޅުނު ފުރަތަމަ މެޗުގައި އެމެރިކާއާ ވާދަކޮށް ރޭ 1-1 އިން އެއްވަރުވެ ޕޮއިންޓަކުން ފުއްދާލަން ޖެހިއްޖެއެވެ.

އަލް ރައްޔާން ސްޓޭޑިއަމްގައި ކުޅުނު މިމެޗުގެ ފުރަތަމަަ ހާފުގައި ލަފާ ކުރި ގޮތާ ހިލާފަށް މޮޅަށް ކުޅުނީ އެމެރިކާއިންނެވެ. އަވަސް ކުޅުމެއް ކުޅުނު އެމެރިކާގެ އެޓޭކްތައް ފުރަތަމަ ހާފުގައި ފެނުނީ ނުރައްކާތެރި ކޮށެވެ. މެޗުގެ ފުރަތަމަ ލަަނޑުވެސް ޖެހީ އެމެރިކާއިންނެވެ. ކްރިސްޓިއަން ޕުލިސިކް ތަނަވަސްކޮށްދިން ފުރުސަތަކުން، ހިތްގައިމުކޮށް ބޯޅަ ކޮންޓްރޯލް ކޮށްލުމަށްފަހު ވޭލްސް ގޯލުގެ ތިރީ ކަނަށް ބޯޅަ ފޮނުވާލައިގެން މިލަނޑު ކާމިޔާބު ކޮށްދިނީ ފްރާންސްގެ ލިއްލެއަށް ކުޅޭ ވިންގަރ ޓިމޯތީ ވާހް،22، އެވެ. މިއީ ވަރަށް ގިނަ ގޮތްގޮތުން ތާރިހީ ލަނޑެކެވެ.

ޓިމޯތީ ވާހްއަކީ ދުނިޔޭގެ އެންމެ މޮޅު ފުޓްބޯޅަ ކުޅުންތެރިޔާގެ މަގާމް ކުރިން ހޯދި އޭސީ މިލާނާއި ލައިބީރިއާގެ ފޯވާޑް ޖޯޖް ވާހްގެ ދަރިއެކެވެ. ޓިމޯތީ ލަނޑު ޖެހިއިރު ޖޯޖް ވާހް ކުޅިބަލަން ދަނޑުގައި އިންނެވިއެވެ. ޖޯޖް ވާހްއަކީ މިހާރު ލައިބީރިއާގެ ރައީސެވެ.

ޓީމޯތީ ޖެހި މިލަނޑު ހާއްސަވާ އަނެއް ސަބަބަކީ ވޭލްސް ކޮޅަށް ވޯލްޑް ކަޕުގައި އެންމެ ފަހުން ލަނޑު ޖަހާފައިވަނީ ބްރެޒިލްގެ މަޝްހޫރު ޕްލޭއަށް ވުމެވެ. 1953 ގެ ވޯލްޑް ކަޕް ކުއާޓާފައިނަލުގައި ޕެލޭއަށް ބޮޑު މަޝްހޫރު ކަމެއް ލިބުނީ އުމުރުން އެންމެ 17 އަހަރުގައި، އެމުބާރާތުގެ ކުއާޓާފައިނަލުގައި ވޭލްސް ކޮޅަށް ލަނޑު ޖަހައި ބްރެޒިލް ސެމީފައިނަލަށް ގެންގޮސް ދިނުމުންނެވެ.

https://worldfootballindex.com/2018/04/pele-goal-brazil-v-wales-1958-world-cup/

ވޭލްސް ކޮޅަށް ޕެލޭ ކާމިޔާބު ކުރި މަޝްހޫރު ލަނޑުގެ ލިންކް:

ދެވަނަ ހާފުގައި ވޭލްސްއިން ވަނީ ކުޅުން ރަނގަޅުކޮށް ލަނޑެއް ޖެހުމަށް ވަރަށް މަސައްކަތް ކޮށްފައެވެ. ނަތީޖާއަކަށް ވެގެންދިޔައީ ވޭލްސް ކުޅުންތެރިން ހުއްޓުވަން ގިނަ ފައުލްތަކެއް އެމެރިކާއަށް ކުރަން ޖެހުމެވެ. މީގެ ތެރެއިން އެއްފައުލަކަށްވީ އޭރިޔާގެ ތެރެއިން ބޭލްއަށް ކުރި ފައުލެވެ.

ވަރލްޑް ކަޕުގެ ތާރިހުގައި 64 އަހަރަށްފަހު ފުރަތަމަ ފަހަރަށް ވޭލްސްއަށް ލަނޑެއް ޖަހަން ލިބުނު ރަނުގެ ފުރުސަތު ބޭނުން ހިފުމަށް ބޭލް ހުއްޓިލައިގެން ހުރިއިރު، އެމެރިކާގެ ގޯލު ފުރަގަހުގައި ރަތްކުލައިގެ ޖާޒީލައިގެން ތިބި ވޭލްސްގެ އެތައްހާސް ސަޕޯޓަރުންނެއް ކެކި އުތުރި އަރަމުން ވޭލްސްއަށް ދެމުންދިޔަ ތަރުހީބުގެ ސަބަބުން ފުން އަސަރުތަކެއް ބޭލްއަށް ކޮށްފައިވާކަން ވަރަށް ބޮޑަށް ފާޅު ވެގެންދިޔައެވެ.

ޕެނަލްޓީ ފޮނުވާލުމަށް ރެފްރީ ކަށިގަނޑު ފުމެލުމާއެކު، ފުންނޭވައެއް ދޫކޮށްލުމަށްފަހު ބޭލް ވައަތު ފައިން ފޮނުވާލި ބޯޅަ އަމާޒުވީ އެމެރިކާ ގޯލުގެ އެންމެ މައްޗަށްވުރެ ކުޑަތަންކޮޅެއް ތިރިން އަރިމަތީ ކަނަށެވެ. މިއާއެކު ވޭލްސްގެ ކުޅުންތެރިންނާއި ސަޕޯޓަރުންގެ ލޮލުން އުފަލުގެ ކަރުނަ ފާއްދާލިއެވެ. ފޯރި އާއި ޖޯޝް ކެކިގެން ދިޔައެވެ.

https://www.fifa.com/fifaplus/en/watch/4I3HFvtXpOsfH4mFjw8SBs?cid=(p_go-box)(c_FIFAPlus)(sc_highlights)(ssc_)(da_)(co_)(cc_)&s_cid=(co_)(cc_)&c=(c_FIFAPlus)(sc_highlights)(ssc_)(cc_)&pid=(p_go-box)(ch_)(t_)

ވޭލްސް ޕެނަލްޓީ ކާމިޔާބު ކުރި ލިންކް:

މިގްރޫޕް (ގްރޫޕް ބީ) ގެ އެއްވަނައިގައި 3 ޕޮއިންޓާއެކު އޮތީ ރޭ އިރާން އަތުން 2-6 އިން މޮޅުވި އިންގެލެންޑެވެ. ދެވަނައިގައި އަދި ތިންވަނައިގައި ވޭލްސް އާއި އެމެރިކާ އޮތީ 1 ޕޮއިންޓާއެކުއެވެ.

ވޭލްސްއަށް ދެން ކުރިއަށް އޮތީ އަންނަ ހުކުރު ދުވަހު އިރާނާ ދެކޮޅަށް ކުޅެންޖެހޭ މެޗެވެ. ހަމަ އެރޭ އެމެރިކާ ނިކުންނާނީ އިންގްލެންޑާ ދެކޮޅަށެވެ.