އަފްޣާނިސްތާނުގައި ތާލިބާނުންގެ ސަރުކާރުން ބުނަނީ ހަނގުރާމައިގެ އަސަރު ކުރި އެގައުމުގެ ބައެއް ޕްރޮވިންސްތަކުގައި މިހާތަނަށް މަޑުޖެހިފައިވާ ވިއްސަކަށް މަޝްރޫއުގައި އަލުން އިންޑިއާއިން މަސައްކަތް ފަށާނެ ކަމަށެވެ. ޖޫން މަހު އިންޑިއާއިން ވަނީ ކާބުލްގައި ހުންނަ އެމްބަސީއަށް "ޓެކްނިކަލް ޓީމެއް" ފޮނުވާފައެވެ. އަދި ކާބުލްގައި އަލުން ޑިޕްލޮމެޓިކް ޕްރެޒެންސެއް ގާއިމްކޮށްފަ އެވެ.
ތާލިބާނުން އަބަދުވެސް އިންޑިއާއަށް ބާރު އަޅާފައި ވަނީ އިންޑިއާއިން ފަށާފައިވާ މަޝްރޫއުތައް ނިންމަން އެންބުރި އައުމަށެވެ.
އަފްޣާނިސްތާނުގެ މިނިސްޓްރީ އޮފް އާބަން ޑިވެލޮޕްމަންޓް އެންޑް ހައުސިން އިން ބުނީ އިންޑިއާގެ ޝާޒޭ ބާރަތު ކުމާރު ދެގައުމުގެ ގުޅުން ރަގަޅު ކުރުމަށް މަސައްކައް ކުރައްވައި، ހުއްޓިފައިވާ މަޝްރޫއުތައް އަލުން ފެށުމަށް ޝައުގުވެރިކަން ފާޅުކުރައްވާފައިވާ ކަމަށެވެ.
ކުމާރު ވަނީ މިނިސްޓަރު އޮފް އާބަން ޑިވެލޮޕްމަންޓް އެންޑް ހައުސިން ހަމްދުالله ނުޢުމާނީއާ ބައްދަލުކުރައްވާފައެވެ.
އިޤްތިޞާދީ މާހިރުން ވިދާޅުވާ ގޮތުގައި އިންޑިއާގެ މި ފިޔަވަޅާއެކު އަފްޣާނިސްތާންގައި ވަޒީފާގެ ފުރުޞަތުތަކަށް މަގުފަހިވެ، އެގައުމުގެ ތަރައްޤީއަށް ކުރިއެރުމެއް ލިބިގެންދާނެއެވެ.
