އީރާންގައި މުޒާހަރާ ކުރާ ޒުވާން އަންހެނުން މުއްލާއިންގެ ސަރުކާރާ ދެކޮޅަަށް ކާމިޔާބު ހޯދައިފިއެވެ. އީރާނުގައި 40 އަހަރު ވަންދެން އިންގިލާބަށް ފަހު މީހުންގެ އަޚުލާގު ރަނގަޅުތޯ ބަލައި ޗެކު ކުރުމަށް މަސައްކަތް ކުރި އަމުރު ބިލް "މައުރޫފި ވައްނަހީ އަނިލް މުންކަރި" ޕޮލިސް ފޯސް އީރާނުން އުވާލައިފިއެވެ.
އީރާނުގެ އަޚުލާގީ ޕޮލިސް ފޯސް އުވާލި ކަން އީރާނުގެ ބަންޑާރަ ނާއިބު ވަނީ އިއުލާން ކޮށްފައެވެ.
އީރާނުގައި ކޮންޓްރޯލު ނުވެގެން އުޅޭ މުޒާހަރާތައް ފެށިފައި ވަނީ މަހްސާ އަމީނީ ހައްޔަރު ކުރުމަށްފަހު އަޚުލާގީ ފުލުހުން އޭނާ މަރާލުމާ ގުޅިގެންނެވެ. އެއަށްފަހު އަންހެނުން ވަނީ މަގުތަކަށް ނިކުމެ މުޒާހަރާ ކޮށް ބުރުގާ ބާލާއި ބުރުގާ އަންދައި ބޯކޮށައި ހަދާފައެވެ. އަދި ބައެއް ހާދިސާތަކުގައި އީރާނުގެ ދަންނަބޭކަލުންގެ ފަގުޑިތައްވެސް ޖަހަގަނެ ބިންމައްޗަށް އެއްލައި ހަދާފައި ވެއެވެ.
އީރާނުގެ މުޒާހަރާ ކުރި މީހުންނަށް އެންމެ ބޮޑަށް ވާގިވެރިވެ ހިތްވަރު ދީފައި ވަނީ ސުންނީ މުސްލިމު ދަންނަބޭކަލެއް ކަމަށްވާ މައުލަވީ އަބްދުލް ޙަމީދެވެ. އޭނާގެ މަގްބޫލުކަން އިތުރުވުމުން ރޫހާނީ ލީދަރު އާޔަތުﷲ އަލީ ޚާމަނާއީ ވަނީ އޭނާ ހައްޔަރު ނުކުރުމަށް އަންގަވާފައެވެ. ނަމަވެސް އޭނާގެ އަގު ވައްޓާލުމަށް މަސައްކަތް ކުރުމަށް އިރުޝާދު ދެއްވިއެވެ.
މައުލަވީ އަބްދުލް ހަމީދުގެ ހުކުރު ޚުތުބާއިން މީހުންގެ ޖަޒުބާތު ސަރކާރާ ދެކޮޅަށް ކައްކާލާ ކަމަށް ރިޕޯޓް ކޮށްފައި ވެއެވެ.
