ސްޕެއިންއާ ދެކޮޅަށް ޕެނަލްޓީން މަޣުރިބު މޮޅު ވުމުން ފަރަންސޭސި ޕާލަމެންޓްގެ މެމްބަރަކު "ما شاء الله" ލިޔެ ޓުއީޓު ކުރުމުން އިންޓަނެޓްގައި އެމީހާގެ މަސް ކައިފިއެވެ. އޭނާ މުސްލިމުން ބޭނުން ކުރާ ބަސްތައް ބޭނުން ކުރުމުން އިސްލާމް ވީކަމަށް ބުނެވެސް ބައެއް މީހުން އޭނާއަށް ފުރައްސާރަ ކޮށްފައި ވެއެވެ.
އަލްޖަޒާއިރުގެ ދަނގަޑު ވަގަށް ނަގައިގެންނާއި ފޭރިގެން ހަދާފައިވާ ދުނިޔޭގެ ފެންވަރުގެ މޮނިއުމެންޓު ޕެރިހުގެ އީފެލް ޓަވަރަށް ފަޚުރުވެރިވާ ފަރަންސޭސިންގެ މުނާފިގުކަން އެމީހުންގެ ޓުއީޓްތަކުން ހާމަވެފައިވާ ކަން އިންޓަރނެޓްގައި ބައެއް ފަރާތްތަކުން ބުނެފައި ވެއެވެ.
މުސްލިމުންނަށް ލިބޭ މިފަދަ ކުދި ކާމިޔާބީތަކުން ޔޫރަޕްގެ ނަސާރާއިންގެ ހިތުގައި މުސްލިމުންނާ ދެކޮޅަށް އޮންނަ ހަސަދަވެރިކަމާއި އަދާވާތްތެރިކަމުގެ މިންވަރު ބޮޑުކޮށް ހާމަވެގެން ދެއެވެ.
ޕީފާ ރައީސް އިންފެންޓީނޯ ބުނިހެން ކުރިއަށް އޮތް 3000 އަހަރު ވަންދެން ޔޫރަޕް މީހާ މުސްލިމުންނާއި އަރަބިންގެ ގާތުން މައާފަށް އެދުނަސް އެމީހުންގެ ޖަރީމާތަކަށް އެވަރުވެސް ނުފުދޭނެއެވެ.
