ޖަރުމަނުގެ ޑޮމެސްޓިކް އިންޓެލިޖެންސް އިން ކަށަވަރުކޮށްދިން ގޮތުގައި "ރައިޚްސިޓިޒަންސް" ޖަމިއްޔާގެ ރޭވުންތައް ނާކާމިޔާބު ކޮށްފައެވެ. ޔޫރަޕްގެ ސަރުކާރުތަކުން އިސްލާމިކް ޓެރަރިޒަމަށް ފާރަވެރިވެގެން އުޅެނިކޮށް އަމިއްލަ ގައުމުގެ ޓެރަރިސްޓުންގެ އެތައް ހާސް ބަޔަކު ވެގެން ސަރުކާރު ވައްޓާލަން އުޅުނުކަން އެނގުނީ އިއްޔެއެވެ.
"ޖަރުމަންގެ ހައްދުފަހަނައަޅާފައިވާ ކަނާފުފިޔައިގެ ނަސާރާ ޓެރަރިސްޓުންގެ 21،000 މީހުން ހިމެނޭ ހަތިޔާރު އެޅި ގްރޫޕަކުން ރާވާފައި އޮތީ ސަރުކާރު ވައްޓާލާށެވެ. ކުރިން ސިފައިންނާއި ސަލާމަތީ ބާރުގައި އުޅުނު މީހުންވެސް އޭގެ ތެރޭގައި ހިމެނެއެވެ.
މިވަރުގެ ކަމެއް ރާވައިގެން ހިންގަން އުޅުނުއިރުވެސް އިސްލާމިސްޓް ޓެރަރިސްޓުންނާ މެދު ފާރަވެރިވެގެން އުޅޭ ޔޫރަޕަކަށް ހިލަމެއްވެސް ނުވިއެވެ.
މި ގްރޫޕުން މިދިޔަ އަހަރު 1،000 އަށް ވުރެ ގިނަ ޖަރީމާ ހިންގި އިރުވެސް އެމީހުންނަށް ސަރުކާރުން މާބޮޑު އަޅާލުމެއް އަޅާލާފައި ނުވާ ކަމަށް މަސްއޫލުވެރިން ވިދާޅުވެއެވެ.
