ރަހުމަތްތެރި ގުޅުމެއް ޙިއްސާ ކުރަމުން ދިޔަ ނަމަވެސް އީރާނުން ވަނީ ޗައިނާގެ ސަފީރު އެގައުމުގެ ޚާރިޖިއްޔާއަށް ގެނަސް އިހުތިޖާޖުކޮށްފައެވެ. ޗައިނާގެ ސަފީރަށް އީރާނުން އިޖުތިޖާޖު ކުރީ އީރާނާއި ޔޫއޭއީއާ ދެމެދު މައްސަލަ ޖެހިފައިވާ ތިން ޖަޒީރާގެ މައްސަލާގައި އަރަބިންނަށް ތާއީދުކޮށް ޗައިނާއިން ގުޅިފައިވާ ބަޔާނެއް ނެރުމުންނެވެ.
ޗައިނާގެ ރައީސް ޝީ ޖިންޕިން އީރާނާ ވާދަވެރި ސައުދީ އަރަބިއްޔާއަށް ޒިޔާރަތް ކުރައްވައި، ގަލްފް ކޯޕަރޭޝަން ކައުންސިލް (ޖީސީސީ)ގެ ގައުމުތަކުގެ ލީޑަރުންނާ އެކު ސަމިޓެއް ބޭއްވެވިއެވެ.
އެ ސަމިޓަށްފަހު ގުޅިގެން ނެރުނު ބަޔާނުގައި ސީދާ އީރާނުގެ ކަންކަމާއި، އީރާންގެ ނިއުކްލިއާ ޕްރޮގްރާމާއި، ސަރަހައްދީ ހަރަކާތްތަކާ ބެހޭ ބައެއް ކަންކަން ހިމަނާފައި ވެއެވެ.
ޗައިނާގެ މަންދޫބު ތެހެރާނުން ހާޒިރުކުރުމަށްް މެދުވެރިވި މައްސަލައަކީ ބޮޑު ތަންނޫބު، އަދި ކުޑަ ތަންނޫބު ޖަޒީރާއާއި އަބޫ މޫސާ ޖަޒީރާގެ މައްސަލާގައެވެ. ހުރުމުޒު ކަނޑު އޮޅި ކައިރީގައި އޮންނަ މި ތިން ޖަޒީރާއަކީ 1971ން ފެށިގެން އީރާނުގެ ތަންތަން ކަމަށް އީރާނުން ބުނާ ތަންތަނެވެ. 1971ގައި އިނގިރޭސިން ޔޫއޭއީން ސިފައިން ބޭލުމާއެކު އީރާނުގެ ޝާހު އެތިން ޖަޒީރާއަށް އީރާނުގެ ސިފައިން ފޮނުވިއެވެ.
އޭގެ ފަހުން ޔޫއޭއީގެ ލީޑަރުން ވަނީ އެ ޖަޒީރާތަކަކީ ޔޫއޭއީގެ ޖަޒީރާތަކެއް ކަމަށް ވިދާޅުވެފައެވެ.
