ޗައިނާގެ މަސްވެރި އުޅަނދުތަކުން ދުރު މާކަނޑުތަކުގައި ގަވާއިދާ ޚިލާފަށް މަސްވެރިކަން ކުރަމުން ދިއުމާ ގުޅިގެން މަސްވެރިކަމުގެ ހަރަކާތްތަކާ ގުޅުން ހުރި ހައްގުތަކަށް އަރައިގަންނަ ކަމަށް ތުހުމަތު ކުރެވޭ މައްސަލަތަކުގައި އެމެރިކާއިން ވަނީ ޗައިނާގެ ގިނަ އަދަދެއްގެ ކުންފުނިތަކާއި ފަރުދުންގެ މައްޗަށް ދަތިކުރުމުގެ ފިޔަވަޅުތައް އަޅާފައެވެ.
އެމެރިކާގެ ޓްރެޝަރީ ޑިޕާޓްމަންޓުން ބުނީ ދަތިކުރުމުގެ ފިޔަވަޅުތައް އަމާޒުކޮށްފައިވަނީ ޗައިނާގެ ރައްޔިތުން ކަމަށްވާ ލީ ޒެންޔޫ އާއި ޒޫއޯ ޒިންރޮންގްގެ އިތުރުން އެ ދެމަފިރިންނާ ގުޅުން ހުރި 10 ފަރާތަކަށް ކަމަށެވެ. އަދި ދަތިކުރުމުގެ ފިޔަވަޅުތައް އަމާޒުކޮށްފައިވާ ފަރާތްތަކާ ގުޅުން ހުރި ޗިންސޭ ކުންފުނީގެ ދިދަ ޖަހާފައިވާ 157 އުޅަނދެއް ވެސް އެ ޑިޕާޓްމަންޓުން ފާހަގަކޮށްފައިވެއެވެ. އެ އުޅަނދުތަކަކީ "އިންސާނީ ހައްގުތަކަށް ބޮޑެތި ގެއްލުންތަކެއް" ދިނުމާއި ލޭބަރުގެ ހައްގުތަކަށް އަރައިގަނެ، އަނިޔާވެރިވުމުގެ އަމަލުތަކެއްވެސް އޭގައި ހިންގާފައިވާ އުޅަނދުތަކެއް ކަން ފާހަގަ ކޮށްފައި ވެއެވެ.
ންތަކެއް ކަމަށް ވެސް އެ ޑިޕާޓްމަންޓުން ބުނެ އެވެ.
އެމެރިކާގެ ޓްރެޜަރީ ޑިޕާޓްމަންޓުން ބުނީ ދަތިކުރުމުގެ ފިޔަވަޅު އަޅާފައިވާ މީހުންގެ އަމަލުތަކަކީ ގިނަ ފަހަރަށް އިންސާނީ ހައްގުތައް ނަހަމަ ގޮތުގައި ބޭނުން ހިފުމާއި، ލޭބަރުންގެ އަސާސީ ހައްގުތަކާއި އަދި ތިމާވެށީގެ މިންގަނޑުތަކަށް ބުރޫއަރާ ފަދަ އަމަލުތައް ހިންގާ ފަރާތްތައް ކަމަށެވެ. އަދި އިންޑޯ ޕެސިފިކް ސަރަހައްދުގެ ގައުމުތަކުގެ މީހުންގެ އިގްތިސާދީ ކުރިމަގަށް ގެއްލުންވާ ކަންތައްތައް ޓްރެޝަރީން ކުށްވެރިކުރާ ކަމަށްވެސް ބުނެފައި ވެއެވެ.
ޗައިނާއަށް ފާޑުކިޔުން އަމާޒުވެފައި ވަނީ ބައިނަލްއަގްވާމީ ކަނޑުތަކުގައި ނުވަތަ އެހެން ގައުމުތަކުގެ ސަރަހައްދީ ކަނޑުގައި އަދި ގައުމުތަކުގެ އެކްސްކްލޫސިވް އިކޮނޮމިކް ޒޯން ގެ 200 ނޯޓިކަލް މޭލު (300 ކިލޯމީޓަރު) އިން ބޭރުގައި މަސްވެރިކަން ކުރަމުން ދިއުމެވެ.
ދުނިޔޭގައި އެންމެ ދުރުގައި މަސްވެރިކަން ކުރމުގެ ގާބިލުކަން ލިބިފައިވާ ފުޅަނދުތައް ގެންގުޅެނީ ޗައިނާއިންނެވެ. ޗައިނާގެ ފުޅަނދުގައި ގާތްގަނޑަކަށް އެއްފަހަރާ 300އެއްހައި އުޅަނދު ހަރަކާތްތެރި ވެއެވެ.
