އދގެ ސަލާމަތީ މަޖިލިސް އިސްހާޅު ކުރުމަށް ކުރާ މަސައްކަތުގައި އިންޑިއާ، ބްރެޒިލް، ޖަޕާން އަދި ޖަރުމަން ވިލާތަށް އދގެ ދާއިމީ ގޮނޑިއެއް ލިބުމަށް ތާއީދު ކުރާ ކަމަށް އިނގިރޭސިވިލާތުން ބުނެފިއެވެ. ޔޫކޭގެ ފޮރިން ސެކްރެޓަރީ ޖޭމްސް ކްލީވަރލީ ވިދާޅުވީ، އިނގިރޭސިވިލާތުން އޮތީ އދ.ގެ ސަލާމަތީ މަޖިލީހުގެ ދާއިމީ މެމްބަރުންގެ ގޮތުގައި ބްރެޒިލް، އިންޑިއާ، ޖަޕާން އަދި ޖަރުމަނަށް މަރުހަބާ ކިޔަން ތައްޔާރަށެވެ.
އޭނާ ވިދާޅުވީ، އިނގިރޭސިވިލާތާއި އެމެރިކާ، ފްރާންސް އަދި ގާތްގަނޑަކަށް 50 ގައުމަކާ ގުޅިގެން އދގެ ޖަމާއަތް އުފެއްދި ކަމަށެވެ. އަދި އދ.ގެ އާންމު މަޖިލީހުން އިންސާނީ ހައްގުތަކާ ބެހޭ އާންމު އިއުލާނެއް ފާސްކުރީ، ޚިޔާލުތަފާތުވާ އެންމެ ވޯޓެއްވެސް ނެތި ކަމަށް ވިދާޅުވިއެވެ.
އޭނާ ވިދާޅުވީ މިދިޔަ އަށްޑިހަ އަހަރުގެ ތެރޭގައި ލޭ އޮހޮރުވުންތަކެއް ކުރިމަތިވި ނަމަވެސް އދގެ ނިޒާމު ކާމިޔާބު ކަމާއެކު މަސައްކަތް ކޮށްފައިވާ ކަމަށެވެ. އަދި އެ މުއްދަތުގައި އދގެ ތާރީޚުގައި މިހާނަތަށް އދގެ ނިޒާމުން ވަގުތީ ގޮތަކަށްނަމަވެސް ފޮހެވިގެން ދިޔައީ އދގެ އެންމެ މެމްބަރެއް ކަމަށް އޭނާ ފާހަގަ ކުރެއްވިއެވެ. އޭނާ އިޝާރާތް ކުރައްވާފައި ވަނީ އިރާގުން ކުވެއިތަށް ދިން ހަމަލާއަށްފަހު ކުވެއިތު އިރާގްގެ ބައެއް ކަމަށް ހެދި މައްސަލައެވެ.
އަދި 23 ގައުމަކުން ވެގެން ވޯލްޑް ޓްރޭޑް އޮގަނައިޒޭޝަން އަށް ވާނެ ޖަމާއަތެއް އުފެއްދި ކަމަށާއި އެއަށްފަހު މުޅި ދުނިޔޭގައި ރިކޮންސްޓްރަކްޝަން އާއި ރިކަވަރީ އަށް ވޯލްޑް ބޭންކުން ފައިސާ ދޭން ފެށި ކަމަށް ވެސް އޭނާ ވިދާޅުވި އެވެ.
