ޕާކިސްތާނުގެ ސިފައިންގެ ވެރިޔާ ޖެނެރަލް އާސިމް މުނީރު ވަނީ މިދިޔަ ހަފްތާ ބަންދުގައި ރާވަލްޕިންޑީގައި ހުންނަ ޖެނެރަލް ހެޑްކުއާޓަރުގައި ޕާކސިްތާންގެ އިސް ޖެނެރަލުންގެ ބައްދަލުވުމެއްގެ ރިޔާސަތު ބަލަހައްޓަވާފަ އެވެ.
ޕާކިސްތާނުގެ އަސްކަރީ އޮފިޝަލް ވަނީ ޓެރަރިސްޓް ހަރަކާތްތައް އިތުރުވުމާއި، ބޯޑަރު ހުރަސްކޮށް ޕާކިސްތާނަށް ވަދެގަތުމާއި، ޓެރަރިސްޓް ތަޙްރީކޭ ތާލިބާނޭ ޕާކިސްތާން (ޓީޓީޕީ) ގެ ހަމަލާތަކުގެ އަލީގައި ގައުމުގެ ޖުމްލަ ސަލާމަތީ ހާލަތު އިވެލުއޭޓްކޮށްފައެވެ. އަދި ސިފައިން ވަނީ އަސްކަރީ އޮޕަރޭޝަން ހިންގަން ނިންމާފައެވެ.
ސިފައންގެ އަސްކަރީ އޮޕަރޭޝަން ފެށުމަށް ނިންމީ މި މަހުގެ ކުރީކޮޅު ކާބުލްގައި ހުންނަ ޕާކިސްތާނުގެ އެމްބަސީއަށް ދިން ހަމަލާއާއި އަފްޣާނިސްތާނުގެ ބޯޑަރު ހުރަސްކޮށް ޕާކިސްތާންގެ ޗަމަން ބޯޑަރަށް ދިން ހަމަލާގައި ޕާކިސްތާނުގެ އާންމުންގެ ހަ މީހަކު މަރުވުމާ ގުޅިގެންނެވެ.
އަސްކަރީ އޮޕަރޭޝަންގެ މަގުސަދަކީ ޓެރަރިޒަމްގެ ނުރައްކާ ކުޑަކޮށް އަމާން ހާލަތަކަށް ސަރަހައްދު ގެނައުން ކަމަށް ޕާކިސްތާން ސިފައިނނާ ޙަވާލާދީ ސީއެންއެންނިއުސް18އިން ބުނެއެވެ.
މިއީ ހޯމަ ދުވަހު ކާބުލް ހޮޓަލަށް ދިން ހަމަލާގެ ޒިންމާ އައިއެސްގެ ސަރަހައްދީ ގޮފިން ނަގާފައިވާ ދަނޑިވަޅެއްގައި ޗައިނާގެ ރައްޔިތުން ހިމެނޭ ގޮތަށް 3 މީހުން މަރުވެ 21 މީހުން ޒަހަމްވި ހަމަލާއަށް ފަހު ޕާކިސްތާނުން ނިންމު ނިންމުމެކެވެ.
