އިންޑިއާގެ އުއްތަރު ޕްރަދޭޝްގެ އަޒަމްގަރުގައި ދިރިއުޅޭ ޒުވާނަކު ވަނީ އަގުހެޔޮ ދަތުރުފަތުރުގެ ވަސީލަތެއް އީޖާދުކޮށްފައެވެ. އިންޖިނިއަރ އަސަދު އަބްދުﷲ ގެ އުފެއްދުމަކީ ޝައުގުވެރި ބެޓެރީން ދުއްވާ ބައިސްކަލެކެވެ. މި އިލެކްޓްރިކް ބައިސްކަލުން 150 ކިލޯމީޓަރާއި ހަމައަށް އެންމެ 10 ރުފިޔާއިން ދަތުރުކުރެވޭނެވެ.އަދި އެއްފަހަރާ 6 މީހުންނާ ހަމައަށް އޭގައ ދަތުރު ކުރެވޭނެއެވެ.
އައިއައިޓީން މެކޭނިކަލް އިންޖިނިއަރިން ފާސްވި އަސަދު އަބްދުﷲ މި ބައިސްކަލު ތައްޔާރުކޮށްފައިވަނީ އެއް މަސް ދުވަހުގެ ތެރޭގައި ގޮނޑު ހޮވައިގެން ނެގި ތަކެތިންނެވެ. އޭނާގެ ޖީބުން ހޭދަކުރީ އެންމެ 12،000 ރުފިޔާ އެވެ.
މީގެ ކުރިންވެސް އޭނާ ވަނީ ޝައުގުވެރި އެތައް އީޖާދުތަކެއް ކޮށްފައެވެ. މީގެ ދެތިން ދުވަސް ކުރިން އައްސަދު ވަނީ ކޭޓީއެމް ސްޕޯޓް ބައިސްކަލެއް ވެސް އިލެކްޓްރިކް ބައިސްކަލަކަށް ބަދަލުކޮށްފަ އެވެ.
އަސަދު އަބްދުاللهގެ ހުނަރު ދުނިޔެއަށް ހާމަވެގެން ދިޔައީ އަސަދުގެ މި އީޖާދަށް އިންޑިއާގެ އިންޑަސްޓްރިއަލިސްޓް އާނަންދު މަހިންދްރާ ތައުރީފު ކުރުމުންނެވެ. އޭނާގެ ވީޑިއޯ މަހިންދްރާގެ ސޯޝަލް މީޑިއާ ހެންޑްލްގައި ހިއްސާ ކުރުމުންނެވެ.
އަސަދު ބުނާ ގޮތުގައި މި އިލެކްޓްރިކް ބައިސްކަލް ހަދަން އޭނާއަށް މަހެއްހާ ދުވަސް ހޭދަވި އެވެ. މި ބައިސްކަލުގައި އޭނާ ވަނީ 1000 ވޮޓްގެ މޯޓަރަކާއި ހަމަ އެ ވޮޓްގެ ކޮންޓްރޯލަރ ރިޖެނެރޭޓަރެއް ހަރުކޮށްފައެވެ. އަދި، ލިތިއަމް ފޮސްފޭޓް ބެޓެރީއެއް ބޭނުންކޮށްފައިވެއެވެ.
އައްސަދު ވިދާޅުވީ، މި ބައިސްކަލު އެއްފަހަރު ޗާޖު ކުރުމަށްފަހު ގާތްގަނޑަކަށް 150 ކިލޯމީޓަރު ދުއްވޭނެ ކަމަށާއި އެއްފަހަރު ޗާޖު ކުރުމަށް ޚަރަދުވާނީ އެންމެ 10 ރުފިޔާ އާއި 12 ރުފިޔާ ކަމަށެވެ. އަދި އެއީ އެންމެ 2 ޔުނިޓް ކަރަންޓެވެ.
