އިންޑިއާގެ ވައިގެ ސިފައިންގެ އިރުމަތީ ވައިގެ ކޮމާންޑުން ހަނގުރާމައިގެ ގާބިލްކަމާއި އުކުޅުތައް ޓެސްޓް ކުރުމަށް ދެ ދުވަހުގެ ބޮޑު ތަމްރީނެއް ކުރިއަށް ގެންދަން މިއަދު ފަށައިފިއެވެ.
މި ތަމްރީނު މާ ކުރިން ރާވާފައި މި ވަނީ ޗައިނާގެ ޕީޕަލްސް ލިބަރޭޝަން އާމީގެ ސިފައިންނާއި އިންޑިއާ ސިފައިންނާ ދެމެދު ޑިސެމްބަރު މަހުގެ 9 ވަނަ ދުވަހު ހިނގި ހަމަނުޖެހުމަށް ފަހު ލައިން އޮފް އެކްޗުއަލް ކޮންޓްރޯލް (އެލްއޭސީ) ގައި އަނެއްކާވެސް ޓެންޝަން އުފެދިފައިވާ ދަނޑިވަޅެއްގަ އެވެ.
އިންޑިއާގެ ވައިގެ ސިފައިންގެ ތަމްރީނާ ގުޅިގެން ޗައިނާއިން ވަނީ އެލާޓްގެ ހާލަތު އިތުރުކޮށް، އެގައުމުގެ ޝިގަޓްސޭ އެއާޕޯޓުގައި ވައިގެ މަގުން އަވަސް އިންޒާރުދޭ މަތިންދާބޯޓުތައް ތައްޔާރަށް ބައިތިއްބާފައި ކަމަށް މަސްދަރުތަކުން ބުނެ އެވެ.
މިއަދު އިންޑިއާއިން ކުރިއަށް ގެންދާ ޓެސްޓްތަކުގައި 4500 ކިލޯމީޓަރަށް މިސައިލް ޓެސްޓް ކުރުންވެސް ހިމެނެއެވެ. އަދި އިންޑިއާގެ އިރު އުތުރު ސަރަހައްދުގައި އެއްކޮށް ވައިގެ ތަމްރީންތައް ބާއްވާނެއެވެ.
ދަ ވާރޒޯން އިން ބުނިގޮތުގައި ޗައިނާ ސިފައިން ވަނީ ޑްރޯން މަތިންދާބޯޓުތައް ގިނަ އަދަދަކަށ ްނެރެގެން ތައްޔާރީ ހާލަތު ވަރުގަދަ ކޮށްފައެވެ.
