މިނިވަން މަސްދަރުތަކާ ހަވާލާދީ އަފްޣާން ޚާމާ ޕްރެސް ނިއުސް އެޖެންސީން ރިޕޯޓްކޮށްފައިވާ ގޮތުގައި 2021 ވަނަ އަހަރުގެ އޮގަސްޓް މަހު ތާލިބާނުން އަލުން ވެރިކަމަށް އައުމާއެކު އަފުއާންމެއް އިއުލާން ކުރި ނަމަވެސް އަފްޣާނިސްތާނުގެ ސަލާމަތީ ބާރުތަކުގައި ކުރިން މަސައްކަތް ކޮށްފައިވާ މީހުން ސިއްރުން މަރަމުން ދެއެވެ.
ކާބުލް ހިފުމަށްފަހު ތާލިބާނުން ކުރި އިއުލާނުގެ ދަށުން ކުރީގެ ވެރިކަމުގެ ސިފައިންނާއި ފުލުހުންގެ ތެރޭގައި ޚިދުމަތްކުރި ހުރިހާ މުވައްޒަފުން ބަންދުކުރުމާއި އަނިޔާކުރުމާއި ޖަލަށްލުން މަނާކޮށްފައި އޮތެވެ. ނަމަވެސް ހިއުމަން ރައިޓްސް ވޮޗް އިން ރިޕޯޓްކޮށްފައިވާ ގޮތުގައި ކުއްލި ހަމަލާތަކުގައި މަރާލުމާއި ގަދަކަމުން ގެއްލުވާލުންތައް ދަނީ އިންތިޒާމުކޮށްގެން ހިންގަމުންނެވެ.
ތާލިބާނުން ކާބުލް ހިފިފަހުން ކުރީ ސަރުކާރުގެ އޮފިޝަލުންނަށް އަމާޒުކޮށްގެން ބަދަލު ހިފުމުގެ އަމަލުތައް މީގެ ކުރިން ވެސް ބޮޑެތި ސިޓީތަކާއި މުހިއްމު ހައިވޭތަކުގައި އިތުރުވަމުން ދިޔަ އެވެ.
ތާލިބާނުން ވަނީ އާންމު ތަންތާގައި މީހުން ހައްދު ޖަހަންވެސ ްފަށާފައެނެ. ނަމަވެސް މިހާތަނަށް އަދި ދަންޖައްސާފައި ވަނީ އެންމެ މީހެކެވެ.
