މައްސަލަ ބޮޑު ހިމާލަޔާން ބޯޑަރުގައި އިންޑިއާ އާއި ޗައިނާ ސިފައިންގެ މެދުގައި ހިނގި ވަރުގަދަ ހަމަނުޖެހުމަކަށް ފަހު ހަފްތާއެއްހާ ދުވަސް ފަހުން ނިއުދިއްލީގައި ވަނީ އެތައް ހާސް ސިފައިންނެއް އެ ސަރަހައްދަށް ފޮނުވާފައެވެ.
އިންޑިއާގެ ފޮރިން މިނިސްޓަރު ސުބްރަހަމަންޔަމް ޖައިޝަންކަރު ވަނީ 2،100 މޭލު ދިގު ބޯޑަރުގައި މީގެ ކުރިން ފެނިފައި ނުވާހައި ގިނަ އަދަދަކަށް ސިފައިން ހަރަކާތްތެރިވާނެ ކަމަށް މި ހަފްތާގެ ކުރީކޮޅު އިއުލާން ކުރައްވާފަ އެވެ. އޭނާ ވިދާޅުވީ އެއީ 2020 ވަނަ އަހަރުން ފެށިގެން ޗައިނާގެ ސިފައިން ގިނަ އަދަދަކަށް ބޭތިއްބުމާ ދެކޮޅަށް ކުރާ ކަމެއް ކަމަށެވެ.
ޖޫން 2020 ގައި ހިނގި ހަމަނުޖެހުމުގައި އިންޑިއާގެ 20 ސިފައިންނާއި ޗައިނާގެ ސިފައިންގެ ބަޔަކު މަރުވި ފަހުން ނިއުދިއްލީ އާއި ބެއިޖިންއާ ދެމެދު މައްސަލަ ނޫނުވެފައި ވެއެވެ. އެ ހޫނުކަން ކުޑަކުރުމަށް ދެ ފަރާތުން ވެސް މަސައްކަތް ކުރަމުން ދިޔަ ނަމަވެސް މި މަހުގެ ކުރީކޮޅު ޗައިނާއިން އިތުރު ހަރުކަށި ކަމެއް ދެއްކުމުން ހާލަތު ވަނީ އިތުރަށް ގޯސްވެފައެވެ.
ޗައިނާ އާއި އިންޑިއާ ހިއްސާކުރަނީ ލައިން އޮފް އެކްޗުއަލް ކޮންޓްރޯލް (އެލްއޭސީ) ގެ ނަމުން މަޝްހޫރު 3،440 ކިލޯމީޓަރު (2،100 މޭލު) ދިގު ބޯޑަރެކެވެ. މި ސަރަހައްދުގެ ފާހަގަ ޖެހުން އޮޅުންބޮޅުން އަރަނީ ކޯރުތަކާއި، ލޭކްތަކާއި، ސުނޯއިން ފޮރުވިފައިވާ ކުންނުތައް ހުރުމުން އަބަދުވެސް މިހިސާބުގެ ތަންތަން ފެނި ފާހަގަ ކުރެވޭގޮތަށް އަބަދު އަންނާތީއެވެ.
ދެފަރާތުގައި ދުނިޔޭގެ އެންމެ ބޮޑު ދެ ލަޝްކަރު ތަމްސީލުކުރާ ސިފައިންގެ ބާރު އޮތީ ކުރިމަތިލައިގެން އޮތް ހާލަތެއްގައެވެ.
ނަތީޖާއެއްގެ ގޮތުން 2020 ވަނަ އަހަރުގެ ޖޫން މަހު ކުރިމަތިލި ފަދައިން ބައެއް ފަހަރު ހަމަނުޖެހުންތައް ބޮޑުވެއެވެ. އަނެއްކާވެސް ޖެނުއަރީ 2021 ގައި ވެސް ކުރިމަތި ލުން ހަމަނުޖެހުންތަކަށް ބަދަލުވެ ދެފަރާތުގެ ސިފައިން އޮށްގަލާއި ލަޓި ބުރިން ހަމަލަތައް ބަދަލުކޮށްފައި ވެއެވެ.
އޮސްޓްރޭލިއަން ސްޓްރެޓެޖިކް ޕޮލިސީ އިންސްޓިޓިއުޓުން އާންމުކުރި އާ ދިރާސާއަކުން ބުނީ ޗައިނާއިން ޓާންގްވޫ ނިއު ވިލެޖުން ފެށިގެން ލައިން އޮފް ކޮންޓްރޯލްގެ އަރިމަތީ ލައިނާ އެންމެ 150 މީޓަރުގެ ތެރެއަށް ދާ ބަންދު މަގެއް ހަދައިގެން މަގުތައް އަޕްގްރޭޑްކޮށްފައިވާކަކަމަށެވެ.
މީގެ ދެ އަހަރު ކުރިން ފިނި މޫސުމް ފެށުމާއެކު ދެ ފަރާތުން ވެސް ތައްޔާރުވީ ދިގު ފިނި މޫސުމެއްގައި ކުރިމަތިލައިގެން ތިބޭށެވެ. ޗައިނާ ސިފައިންގެ ޔުނިޓްތަކުގައި ސިފައިންގެ އިންޖިނިއަރިން ޔުނިވާސިޓީން ތަރައްގީކޮށްފައިވާ ތައްޔާރީ ހޫނު ކަމުގައި ހުންނަ ވައްތަރުގެ ބޯހިޔާވަހި ގެތައް ބަހައްޓާފައި ވެއެވެ.
އެ ގެތަކުގެ ތެރޭގައި މީހުން ދިރިއުޅޭތަނާއި ފާޚާނާއާއި ގުދަން، އަދި ޚާއްޞަކޮށް ގަދަ ފިނީގައި އަަރާމު ކަމާއެކމަސައްކަތް ކުރެވޭ ގޮތަށް ހަދާފައި ވެއެވެ. އެ ފެސިލިޓީތައް ފަރުމާކޮށްފައިވަނީ ސިފައިންގެ ބޭނުންތަކަށް ސައިޒާއި ސްޓްރަކްޗާ އަދި އެތެރޭގެ ޖާގަތަކުގެ ގޮތުން ވެސް އެޑްޖަސްޓް ކުރެވޭ ގޮތަށެވެ. މީގެ އިތުރުން ޗައިނާ ސިފައިންގެ ފޯސްތަކަށް ފިނި މޫސުމުގައި ޕެޓްރޯލް ކުރާނެ ގިއާ ފޯރުކޮށްދީފައިވާއިރު، އޭގެ ތެރޭގައި ފިނިހޫނު ހިފަހައްޓާ ހެދުމާއި ވިންޓާ ޓްރެއިނިން ހެދުން، އޯވަކޯޓް، ތެތްކަން ދަމައިގަންނަ ހެދުމާއި އަދި އަވަހަށް ހިކޭ ޖަނގިޔަލާއި ވޯޓަރޕްރޫފް ހޫނުކަން ހިފަހައްޓާ އަންގިއާއި އިސްޓާކީނާއި ފުންފިނި ނުޖަހާ ބިއްލޫރިއާއި ފިނި ނުވަތަ ހޫނުފެން އަޅާ ފުޅި ހިމެނެއެވެ .
