އަފްޣާނިސްތާނުގެ ތާލިބާނުން ހިންގާ މަތީ ތައުލީމީ ވުޒާރާއިން ވަނީ އެގައުމުގެ ޔުނިވާސިޓީތަކަށް އަންހެން ދަރިވަރުން ކިޔަވަން ދިއުން މަނާ ކޮށްފައެވެ. އަފްޣާން ހަޔަރ އެޑިއުކޭޝަން މިނިސްޓްރީގެ ތަރުޖަމާނަކު ކަށަވަރުކޮށްދިން ސިޓީއެއްގައި އަފްޣާނިސްތާނުގެ ޕަބްލިކް އަދި ޕްރައިވެޓް ޔުނިވާސިޓީތަކަށް އަންހެން ދަރިވަރުންނަށް ވަނުން ވަގުތުން ހުއްޓާލުމަށް އަންގާފައިވާ ކަމަށް އަލްޖަޒީރާއިން ބުނެއެވެ.
އަންހެނުންނަށް ކިޔަވައި ނުދޭން އަންގާފައިވާ އެންގުން ވަގުތުން ތަންފީޒު ކުރުމަށް އަންގާފައި ވެއެވެ. އެސިޓީ ޓްވީޓް ކުރެއްވި އެ އަފްޣާން މިނިސްޓްރީގެ ތަރުޖަމާނު ޒިޔައުالله ހާޝިމީ ވަނީ އޭއެފްޕީ އާއި އެސޯސިއޭޓެޑް ޕްރެސް ފަދަ ބައެއް ނޫސް އެޖެންސީތަކަށް އެ ވާހަކަ ކަށަވަރުކޮށްދީފަ އެވެ.
