އަފްޣާނިސްތާނުގެ އާންމު ދިރިއުޅުމުގައި އަންހެނުންގެ ދައުރު ހަނި ކުރުމަށްޓަކައި ތާލިބާން ސަރުކާރުން ވަނީ އަމިއްލަ ޖަމުއިއްޔާތަކާއި ބޭރުގެ ޖަމުއިއްޔާތަކުގައި އަންހެނުން މަސއްކަތް ކުރުން މަނާ ކޮށްފައެވެ. ތާލިބާނުން ބުނީ އެ ފިޔަވަޅު އެޅީ އިސްލާމީ ޔުނިފޯމު އެޅުމަށް އަންހެނުންނަށް އަންގާފައިވާ އެންގމާއި އެކަނބަލުން ޚިލާފު ވުމުން ކަމަށެވެ.
ތާލިބާނުން ވަނީ މި ފިޔަވަޅުގެ ކުރިން މިދިޔަ ހަފްތާގައި އަންހެނުން ޔުނިވާސިޓީއަށް ދިއުން މަނާކޮށްފައެވެ.
ބައިނަލްއަގްވާމީ ފަރާތްތަކުން ވަނީ ތލިބާނުންގެ މި ނިންމުތައް ބާތިކު ކުރުމަށް ގޮވާލާފައެވެ. ސައޫދީ އަރަބިއްޔާއާއި ޤަތަރާއި ތުރުކީންވެސް ވަނީ ތާލިބާނުންގެ ނިންމުމަށް ފާޑު ކިޔާފައެވެ.
ގަތަރުން ބުނެފައި ވަނީ އެގައުމުން ތާލިބާނުންގެ މިއަމަލަށް "އިންތިހާއަށް ކަންބޮޑުވުން" ފާޅު ކުރާ ކަމަށެވެ. އަދި ޤަތަރުން ބުނެފައި ވަނީ "މަސައްކަތް އިޚްތިޔާރުކުރުމާއި ބަލައިގަތުމުގެ މިނިވަންކަމަކީ އިންސާނީ ހައްގެއް ކަމަށް ބަލާއިރު، އަންހެނުންގެ މަސައްކަތުގެ ހައްގަށް އިހުތިރާމް ކުރުމުގެ މުހިންމުކަން" ފާހަގަ ކުރާ ކަމަށެވެ.
