އިސްރާއީލުގެ ޕާލަމެންޓް ކެނެސެޓްގައި ޕާލަމެންޓް އެމްބަރަކު އަރަބި ބަހުން ވާހަކަ ދެއްކުމުން މައްސަލަ ހޫނުވެއްޖެއެވެ. 27 ޑިސެމްބަރުގައި އަރަބި ބަހުން ތަގްރީރުކުރެއްވީ އިސްރާއީލު ސަރުކާރުގެ ގާނޫނު ހަދާ މަޖިލީހުގެ ޔުނައިޓެޑް އަރަބް ލިސްޓުގެ ކެނެސެޓްގެ މެމްބަރު އީމާން ޚަތީބު ޔާސިން އެވެ.
އޭނާ ވަނީ 1948ގެ އަރަބިންނާ އުރުދުންގެ ފަލަސްތީނުގެ ދަރިވަރުންނަށް ޝުކުރު އަދާކުރައްވާފައެވެ. އެއީ އިމާރާތަކުން ވެއްޓުނު ދީނާ ޚަލީލު އުރުދުންގެ އިސްރާ ހޮސްޕިޓަލަށް ގެންދިއުމަށް އެމީހުން ވެދިން އެހީއަށް ޝުކުރު އަދާ ކުރުމުގެ ތެރޭގައެވެ.
މީގެ ކުރިން ޢަރަބި ބަހުން ކެނެސެޓްގައި ވާހަކަ ދައްކާފައި ވެއެވެ.
ޖެނުއަރީ 2022 ގައި ކެނެސެޓްގައި ފަލަސްތީނުގެ ނަސްލުގެ އިސްރާއީލުގެ ދެ މެމްބަރުންގެ މެދުގައި ބަހުގެ ޒުވާބެއް އަރަބި ބަހުން ހިނގާފައި ވެއެވެ.
އިސްރާއީލާއި ޔޫއޭއީގެ ގުޅުމުގެ އެއްބަސްވުމާއެކު 2020 ވަނަ އަހަރުގެ އޮގަސްޓް މަހު "އިސްރާއީލް އަވަރ ހޯމް" ޕާޓީގެ ކެނެސެޓް މެމްބަރު އެލީ އަވީދާރު ވަނީ ޢަރަބިބަހުން އުފާ ފާޅުކޮށް ވާހަކަ ދައްކަވާފައެވެ.
2021ގެ އޮކްޓޯބަރު މަހު ލިކޫދު ޕާޓީގެ ކެނެސެޓްގެ މެމްބަރެއް ކަމަށްވާ ޔާރިވް ލެވިން ވަނީ ސްކޫލްތަކުގައި އަރަބި ބަސް ކިޔަވައިދިނުމަށް މަޖުބޫރު ކުރުމަށް ހުށަހެޅި ބިލާ ދެކޮޅަށް ޔުނައިޓެޑް އަރަބް ލިސްޓް ގެ (އިސްލާމިކް މޫވްމަންޓް) ގެ މެމްބަރުން ވޯޓު ލުމުން އެކަމާ ދެކޮޅަށް ވާހަކަ ދައްކާފައެވެ.
ކެނެސެޓްގެ ކުރީގެ ސްޕީކަރ އަދި ލިކޫދުގެ ލެވިން އަރަބި ބަހުން ވާހަކަ ދައްކަވަމުން ވިދާޅުވީ "އަރަބި ބަހާ ދެކޮޅަށް، ވޯޓުދޭ އިސްލާމީ ހަރަކާތެއް ދުނިޔޭގައި ނެތް" ކަމަށެވެ. އަދި އެ އިސްލާމީ ޕާޓީއަށް ގުރުއާނުގެ ބަހަށް ވުރެން ގޮނޑި މުހިންމު ކަމަށް ވިދާޅުވެ އަރަބިން އޭނާ ވާހަކަ ދެއްކެވިއެވެ.
އިސްރާއީލުގައި ޢަރަބި ބަހަކީ އިބްރާނީ (ހިބްރޫ) ބަހެކޭ އެއްފަދައިން ރަސްމީ ބަހެކެވެ. މަގުމަތީގެ ނިޝާންތަކާއި، އާންމު މުއައްސަސާތަކާއި، ސަރުކާރުގެ އޮފީސްތަކުގައި ވެސް އަރަބި ބަހުން ލިޔުން ލިޔެފައި ހުރެއެވެ.
