ރިޕަބްލިކަން ޕާޓީގެ ކޮންގްރެސް މެމްބަރަކަށް ފާޑުކިޔުންތަކާއި އިސްތިއުފާ ދިނުމަށް ގޮވާލާ ގޮވާލުންތައް އަމާޒުވީ އޭނާގެ ވަނަވަރުގެ ބޮޑު ބައެއްގައި ދޮގުހަދައި އޮޅުވާލުންތައް އޮޅުވާލާފައި ވުމުންނެވެ.
ޖޯޖް ސަންޓޯސް ނަމަކަށް މިޔާ މި މެމްބަރު މިދިޔަ ނޮވެމްބަރު މަހު ނިއުޔޯކްގެ ޑިސްޓްރިކްޓެއްގައި ހޯއްދެވި ކާމިޔާބީގެ ސަބަބުން ރިޕަބްލިކަން ޕާޓީއަށް ކުޑަ އަޣުލަބިއްޔަތެއް ލިބުނެވެ.
ނަމަވެސް ނިއުޔޯކް ޓައިމްސް އިން ކުރި އިންވެސްޓިގޭޓިވް ރިޕޯޓެއްގައި ބުނެފައި ވަނީ އިންތިހާބުގެ ކެމްޕޭން ތެރޭގައި އޭނާ ޕްރޮމޯޓްކުރި އޭނާގެ ސައިންޓިފިކް އަދި ޕްރޮފެޝަނަލް ކެރިއަރުގެ މުހިންމު ބައިތަކަކީ އޮޅުވާ ލުމާއި ދޮގުން ފުރިފައިވާ ބައެއް ކަމަށެވެ.
ސަންޓޯސް ވަނީ އޭނާ މަކަރު ހެދިކަމަށް އެއްބަސްވެ އިންޓަރވިއުދީފައވެ. އޭނާ ބޮޑެތި ބެންކުތަކުގައި ވަޒީފާ އަދާކުރިކަމަށް ބުނިވާހަކައަކީވެސް އޮޅުވާލުމެއް ކަމަށް އެއްބަސްވިއެވެ. އަދި ކޮލެޖު ނިންމި ކަމަށް ބުނި ވާހަކައަކީވެސް އޮޅުވާލުމެއް ކަމަށް އެއްބަސްވިއެވެ.
ދޮގު ހެދިކަމަށް އެއްބަސްވިއިރުވެސް އޭނާ ވަނީ ގޮނޑި ދޫކޮށްލަން ދެކޮޅު ހަދާފައެވެ. ނިއުޔޯކް ޕޯސްޓަށް ކިޔައިދިން ގޮތުގައި އޭނާ ބުނީ "އަހަންނަކީ ކުށްވެރިއެއް ނޫން" ކަމަށެވެ.
