ޗައިނާއިން އިޓަލީއަށް ދަތުރުކުރި ފްލައިޓެއްގެ ދެބައިކުޅަ އެއްބައި ފަސިންޖަރުން ކޯވިޑް-19 އަށް ޕޮޒިޓިވްވެއްޖެއެވެ. ޗައިނާގައި ކޯވިޑް ހުއްޓުމެއް ނެތި ފެތުރެމުން ދިއުން ދިމާވެފައި ވަނީ ޗައިނާގެ ބޯޑަރުތައް ހުޅުވަން ތައްޔާރުވަމުންދާ ދަނޑިވަޅެއްގައެވެ. މިލާނަށް ދިޔަ ޗައިނާގެ ދެ ފްލައިޓަކީ ޗައިނާއިން ފުރައިގެން ދިޔަ ދެ ފްލައިޓެވެ.
ލޮމްބާޑީގެ ރީޖަނަލް ކައުންސިލަރު ފޯ ވެލްފެއާ ގުއިޑޯ ބެރްޓޮލާސޯ ނޫސްވެރިންގެ ބައްދަލުވުމުގައި ވިދާޅުވީ "ފުރަތަމަ ފްލައިޓުގައި 92 ފަސިންޖަރުންގެ ތެރެއިން 35 މީހުން އެއީ ގާތްގަނޑަކަށް 38 ޕަސެންޓް މީހުން ޕޮޒިޓިވް ވި ކަމަށެވެ. އަދި ދެވަނަ ފްލައިޓުގައި 120 ފަސިންޖަރުންގެ ތެރެއިން 62 މީހުން ގާތްގަނޑަކަށް 52 އިންސައްތަމީހުން ކޯވިޑް ވައިރަސްއަށް ޕޮޒިޓވް ވި ކަމަށެވެ.
ބުދަ ދުވަހު އެމެރިކާ އިންއިއުޅާން ކުރި ފިޔަވަޅުތަކާއެކު އެމެރިކާ ވެފައި ވަނީ ޗައިނާގެ ފަތުރުވެރިންނަށް ހުރަސްތައް ކަނޑައަޅާ ފަސް ވަނަ ގައުމަށެވެ.
ތިން އަހަރު ވަންދެން ޗައިނާއިން ވަނީ ކޯވިޑާ ހެދި އެކަހެރިވެފައެވެ. ޗައިނާއިން ދަތުރުފަތުރަށް ލުއިތައް ދިނުމުން އަންނަ މަހު އޮންނަ ޗައިނާގެ އާ އަހަރުގެ ޗުއްޓީއަށް ޗައިނާގެ އެތައް މިލިއަން ބަޔަކު ޗައިނާއިން ބޭރަށް ފުރައިގެން ދާނެއެވެ. މިއީ 2020 ވަނަ އަހަރަށް ފަހު ގިނަ ބަޔަކަށް ބޭރު ދަތުރަށް ފުރުސަތު ލިބޭ ފުރަތަމަ ފަހަރެވެ.
ޓްރެވަލް ސާވިސަސް ކުންފުނިތައް ކަމަށްވާ ޓްރިޕް ޑޮޓްކޮމް އާއި ގުނާރު އިން ބުނީ ބައިނަލްއަގުވާމީ ޓިކެޓް ބުކިން އާއި އެ ކުންފުނިތަކުގެ ވެބްސައިޓްތަކުން ވިސާގެ މައުލޫމާތު ހޯދުމުގެ މަސައްކަތް ފަސް ގުނައާއި އަށް ގުނައަށް އިތުރުވެފައިވާ ކަމަށެވެ. އެންމެ ގިނައިން މީހުން މައުލޫމާތު ހޯދާ ގައުމުތަކުގެ ތެރޭގައި ރާއްޖެ ޖަޕާން، ތައިލެންޑް، ދެކުނު ކޮރެއާ، އެމެރިކާ، އިނގިރޭސިވިލާތް އަދި އޮސްޓްރޭލިއާ ހިމެނެ އެވެ.
2020 ވަނަ އަހަރުގެ ކުރީކޮޅު މުޅި ދުނިޔެއަށް ވަބާއަކަށ ްވެގެން ދިޔަ ވައިރަސް އަލުން ދުނިޔެއަށް ފެތުރިދާނެ ކަމުގެ ބިރުވަނީ ހީވާން ފަށާފައެވެ.
ޖަޕާނާއި އިންޑިއާ އަދި ޓައިވާނުން މިހާރު އަންނަނީ ޗައިނާއާއި ޗައިނާގެ ދަތުރުތައް އޮންނަ މަންޒިލްތަކުން ދަތުރުކުރާ ފަރާތްތަކަށް ވައިރަސް ޓެސްޓު ހަދަން އަންގާފައެވެ.
