"ބިކުރުވެރި ހަންކޮޅު އެބަ ވިއްކަންތަ؟" އުރުދުންގެ ބޭސްފިހާރަތަކަށް ވަންނަ ޒުވާން އަންހެން ކުދިން ސިއްރުން ކައުންޓަރުގައި އަހާލައެވެ!
ކައިވެނި ކުރާއިރު ބިކުރުވެރި ކުއްޖަކަށް ވުމަކީ ގަބީލާއާދައެކެވެ. އަދި ދޮށީ އުމުރުގެ އަހެނުން، ހެނދުނުއަދި ބެޑްޝީޓްގައި ލޭ ހުރިތޯވެސް ބަލައި ހަދާނެއެވެ. ޒުމްބާ ހަދައި އެކްސަސައިޒްކޮށް އުޅޭ ބިކުރުވެރި އަންހެން ކުދިންނަށް އެފަދަ އިމްތިހާނެއްގައި އޮޅިގަތުމަކީ ނަފްސާނީ ބުރައެއް ކަމުގައި ވެއެވެ.
އުރުދުން ނުވަތަ ޖޯޑަންގެ އެކި ހިސާބުގައި ބޭސްފިހާރަތަކުގައި ވިއްކާ ބިކުރުވެރި ހަންކޮޅަކީ މަސްނޫއީ ހަންކޮޅެކެވެ. 35 ދީނާރަށް ލިބެން ހުންނަ މި ހަންކޮޅު ތަބީއީ ކުލައިގައި ނުވަތަ ރަތް ކުލައިގައި ހުރެއެވެ.
ސިއްޙަތާ ބެހޭ ފަރާތްތަކުން ވަނީ ސަރުކާރަށް ސިއްރުން އެތެރެ ކޮށްގެން ވިއްކާ މި ހަންކޮޅަކީ އަންހެނުންގެ ސިއްޙަތަށް ބޮޑެތި ނުރައްކާ ކުރުވަނިވި އެއްޗެއް ކަމުގައި އިންޒާރުކޮށްފައެވެ. ނަމަވެސް ދިރިއުޅުމުގެ ޕްރެޝަރުގައި އަންހެން ކުއްޖާއަށް އެފަދަ ވަސީލަތެއް މަޖުބުރު ކުރުވައެވެ.
އެ ހަންކޮޅު 35 ދީނާރަށް ލިބުމަކީވެސް ބޮޑު ފަސޭހައެކެވެ. ނޫންނަމަ ތަނަވަސްކަން ލިބިގެންވާ ފަރާތްތަކުން ދާނީ ހަސްފަތާލަށް އޮޕަރޭޝަނެއް ކުރުވާށެވެ.
އުރުދުންގައި ބިކުރުވެރި އަނެހެނެއްކަން ދައްކަން އޮޕަރޭޝަން ކުރުމަކީ އަންހެނުންގެ ހައްގު ހިމާޔަތް ކުރުމުގެ ގޮތުން ގާނޫނުން މަނާ ކޮށްފައިވާ ކަމެކެވެ.
