ކޮރޯނާ ވައިރަސްގެ އާ 11 ވައްތަރެއް އިންޑިއާގައި މޮނިޓާ ކުރެވިފައިވާ ކަމަށް އިންޑިއާގެ ސިއްހީ މަސްދަރުތަކުން ރޭ ހާމަކޮށްފިއެވެ. އިންޑިއާއިން ބުނިގޮތުގައި ބައިނަލްއަޤްވާމީ ދަތުރުވެރިން ޓެސްޓްކުރުމުގެ ތެރޭގައި މި 11 އޮމައިކްރޮން ސަބް ވެރިއަންޓް ފާހަގަ ވެފައިވާ ކަމަށެވެ.
ޑިސެމްބަރު މަހުގެ 24 އާއި ޖެނުއަރީ 3 އާ ދެމެދު ކޯވިޑް-19 އަށް ޕޮޒިޓިވްވި 124 ބައިނަލްއަގްވާމީ ދަތުރުވެރިންގެ ފުށުން 11 އޮމިކްރޮން ސަބް ވެރިއަންޓް ފެނިފައިވާއިރު މި ހުރިހާ ވެރިއަންޓެއް މީގެ ކުރިންވެސް އިންޑިއާގައި ހުރިކަން ރިޕޯޓްކޮށްފައިވާ ކަމަށް ރަސްމީ މަސްދަރުތަކާ ޓައިމްސް އޮފް އިންޑިއާއިން ރިޕޯޓް ކޮށްފައި ވެއެވެ.
ކޯވިޑްގެ ބިރުވެރިކަން އާލާވަމުން އައުމާއެކު ޗައިނާއިން ވަނީ ކޯވިޑް-19 ފެތުރުމާ ގުޅޭގޮތުން ދުނިޔޭގެ ސިއްހަތު ޖަމިއްޔާ އިން ވަކި ފަރާތަކަށް ނުޖެހޭ "ނިއުޓްރަލް" މަގާމެއް ގެންގުޅުމަށް ގޮވާލާފައެވެ. ޑަބްލިއުއެޗްއޯއިން ވަނީ ބެއިޖިން އިން ފޯރުކޮށްދިން ކޯވިޑް ވަބާއާ ގުޅޭ އަދަދުތަކަށް ފާޑުކިޔާފައެވެ.
އިނޑިއާގެ ކަމާބެހޭ ފަރާތްތަކުން ބުނާ ގޮތުގައި ގާތްގަނޑަކަށް 19،227 ފަސިންޖަރުންގެ ކޮރޯނާ ޓެސްޓު ހެދިއިރު، އޭގެ ތެރެއިން ކޮވިޑް-19 އަށް ފައްސިވެފައިވާކަން ވަނީ ކަށަވަރުވެފައި ވަނީ 124 މީހަކެވެ.
