ޕާކިސްތާނުގެ ކުރީގެ ބޮޑުވަޒީރު އަދި ޕާކިސްތާނުގެ ތަހްރީކް އިންސާފް ގެ ލީޑަރު އިމްރާން ޚާން ވިދާޅުވަނީ އެނާ އަވަހާރަ ކޮށްލަން ހަމަލަ ދިނުމުގެ ރޭވުމުގެ ފަހަތުގައި ހުންނެވީ ކުރީގެ ސިފައިންގެ ވެރިޔާ ކަމަށެވެ.
ކުރީގެ ސިފައިންގެ ވެރިޔާ ޖެނެރަލް ގަމަރު ޖާވިދު ބަޖްވާ އޭނާ އަވަހާރަކޮށްލައި ޕާކިސްތާންގައި އެގައުމުގައި ކުއްލި ނުރައްކަލުގެ ހާލަތު އިއުލާން ކުރުމަށް ރާވާފައިވާ ކަމަށް ޑޯން ނޫހުން ބުނެއެވެ.
ސިއްސުވާލާފަދަ ތުހުމަތެއް ކުރައްވަމުން އިމްރާން ޚާން ވިދާޅުވީ ވަޒީރާބާދުގައި އޭނާގެ ފުރާނަ އަށް ނުރައްކާ ކޮށްފައި ވުމާ ގުޅޭ އައު "އިތުރު ހާމަކުރުންތަކެއް" ހާމަކުރައްވާނެ ކަމަށެވެ.
ކުރީގެ ބޮޑުވަޒީރު ވިދާޅުވީ ކުރީގެ ސިފައިންގެ ވެރިޔާ ރިޓަޔާ ކުރެއްވުމާ ގުޅިގެން ދެން އެމައްސަލަ ހިންދާލައި އޭނާއަށް ތުހުމަތުތައް ކުރުން ހުއްޓާލުމަށް ގިނަ ބަޔަކު ބުނަމުންދާ ކަމަށެވެ. އެހެންނަމަވެސް "ޖެނެރަލް ބަޖްވާ ކުރި ޖަރީމާތައް" ފޮރުވާނެ ގޮތެއް ނޯންނާނެ ކަމަށް އިމްރާން ޚާން ވިދާޅުވެއެވެ.
އިމްރާން ޚާން ވަނީ ކޯޓުން އިސްނަގައިގެން މިމައްސަލަ ބަލަން ޖެހޭނެ ކަމަށްވެސް ވިދާޅުވެފައެވެ. އަދި މިކަމުގެ ރޭވުމުގެ އަޑީގައި ތިބި ކަމަށް ހީވާ މީހުންގެ ނަންތައް އޭނާ ވަނީ ނޫސްވެރިންނަށް ވިދާޅުވެ ދެއްވާފައެވެ.
ޚާން ވިދާޅުވީ އޭނާގެ ސިއްޙީ ހާލުކޮޅު ރަނގަޅުވުމުން ގައުމުގެ ކަންކޮޅުތަކަށް ދަތުރު ކުރައްވާނެ ކަމަށެވެ.
