ފަސް ދުވަހުގެ ގެރި ޒުވާބާއި 15 ފަހަރަށް ވޯޓު ލައިގެންވެސް ނުހޮވުނު އެމެރިކާގެ ގާނޫނު ހަދާ މަޖިލީހުގެ ދަށުގޭގެ ރައީސް، އިސްޕީކަރު އެންމެ ފަހުން މިއަދު ހޮވައިފިއެވެ. ރިޕަބްލިކަން ޕާޓީގެ ކެވިން މެކާތީ ހޮވުނު މި ވޯޓަކީ އެމެރިކާގެ ޑިމޮކްރެސީގެ ނާޒުކު ކަން ސާބިތުކޮށްދިން އައު ހާދިސާއެކެވެ.
އުމުރުން 57 އަހަރުގެ ރިޕަބްލިކަން ޕާޓީގެ މެޖޯރިޓީ ލީޑަރު ކެވިން މެކާތީ އެންމެ ފަހުން ކާމިޔާބު ހޯއްދެވީ މަޖިލީހުގެ ރައީސް ކަމަށް އިންތިހާބުވުމަށް ބޭނުންވާ ވޯޓުތައް 216-211 ގެ ވޯޓުގެ ތަފާތަކުންނެވެ.
ރިޕަބްލިކަން ޕާޓީގައި ތިބި އޭނާއާ ދެކޮޅު ބައެއް މީހުން މެކާތީއަށް ވޯޓުދީ އަނެއް ބަޔަކު އޭނާއަށް ވޯޓު ނުދިން އިރު މިއީ ރިޕަބްލިކަން ޕާޓީގެ މެޖޯރިޓީގެ ލީޑަރަށް ހައުސް އޮފް ރެޕްރެޒެންޓެޓިވްސްގެ އިސް މަގާމުގެ އިންތިޚާބު ކާމިޔާބު ނުކުރެވުނު ފުރަތަމަ ފަހަރެވެ.
