ބިދޭސި ޓީވީ ޕްރޮގްރާމުތައް މާގިނައިން ބެލުމުގެ ކުށުގައި އުތުރު ކޮރެއާގެ ދަރިވަރުން ޔުނިވާސިޓީން ވަކިކޮށް ކޯލާ ދެލި ކޮންނަ މައިންއެއްގައި މަސައްކަތް ކުރަން މަޖުބޫރުކޮށްފިއެވެ. އުތުރު ކޮރެއާއިން އެ ހަތަރު ދަރިވަރުން ކުށްވެރިވާ ކަމަށް ކަނޑައެޅީ، މޯބައިލް ފޯނުގައި މަޑުމައިތިރި ރާގަކުން ވާހަކަ ދައްކައި ދެކުނު ކޮރެއާ މީހުން ބޭނުންކުރާ ބައެއް ބަސްތައް ބޭނުން ކުރާކަމަށް ތުހުމަތުކޮށްގެންނެވެ.
ދެކުނު ކޮރެެއާގެ ސީރިއަލްއާއި ލަވަތަކާއި ފިލްމުތައް އަދި ގޭމްތައް ގެންގުޅުމަކީ އުތުރު ކޮރެއާގައި މަނާކޮށްފައިވާ ކަމެކެވެ. ނަމަވެސް ފަދަ ޓީވީ ޝޯތައް ވަގަށް ޔޫއެސްބީ ފްލެޝް ޑްރައިވްތަކުގައި އެތެރެ ކުރެއެވެ.
ދެކުނު ކޮރެއާ މީހުން ވާހަކަ ދައްކާ ގތަށް ވާހަކަ ދެއްކުމަކީ އުތުރު ކޮރެއާގެ ޒުވާނުންގެ މެދުގައި ޓްރެންޑީ ކަމެކެވެ. ނަމަވެސް ޕިއޮންގްޔަންގް އާއި ކިމް ޖޮންގް އުން ދެކެނީ މިފަދަ ވާހަކަ ދެއްކުމުގެ ސްޓައިލްތަކަކީ އުތުރު ކޮރެއާގެ ރިވޮލިއުޝަނަރީ އުސޫލާ ޚިލާފް ކަމެއް ކަމަށެވެ. އަދި އުތުރު ކޮރެއާގައި ދެކެނީ އެއީ "ޕަޕެޓް އެކްސެންޓް" ބޭނުން ކުރުން ކަމަށެވެ.
ޑިސެމްބަރު 2020 ގައި އުތުރު ކޮރެއާއިން ވަނީ އުތުރު ކޮރެއާގެ އިންގިލާބާ ފުށުއަރާފަދަ ފިކުރު ގެންގުޅޭ މީހުންނަށް އަދަބު ދިނުމަށް ގނޫނެއްވެސް ފާސްކޮށްފައެވެ. އެގާނޫނުގެ ދަށުން ބޭރުގެ މީޑިއާގެ ކޮންޓެންޓް ބެހުމުގެ އަދަބަށް ދެ އަހަރާއި 15 އަހަރާ ދެެމެދުގެ ޙުކުމެއް އަންނާނެއެވެ.
އެ ގާނޫނުގެ ދަށުން ދެކުނު ކޮރެއާގެ ޓީވީ ޝޯ ނުވަތަ ފިލްމުތައް ހިމެނޭ ޔޫއެސްބީ ޑްރައިވް ވިއްކުމުގެ ކުށުގައި އޮކްޓޯބަރު މަހު ފުރާވަރުގެ ދެ ކުއްޖަކާށް މަރުގެ އަދަބު ދިނުމެވެ. އެމީހުން މަރާލީ ފަޔަރިން ސްކޮޑަކުންނެވެ.
އުމުރުން 16 އަހަރާއި 17 އަހަރާ ދެމެދުގެ ކަމަށް ބެލެވޭ މި ދެ ފިރިހެން ކުދިންގެ ގަޔަށް ބަޑިޖަހައި މަރާލީ ޗައިނާގެ ބޯޑަރު ކައިރީގައި އޮންނަ ހިއެސަން ސިޓީގެ އާންމުންގެ ހާޒިރުގައި އެއާފީލްޑެއްގަ އެވެ. އެމީހުން މަރުވި ޚަބަރު ބޭރަށް އެނގުނީ އޭގެ ދެ މަސް ފަހުން ޑިސެމްބަރު މަހު އެވެ.
އެމީހުންނާ އެކު އެ އުމުރެއްގެ ތިން ވަނަ ފިރިހެން ކުއްޖަކުވެސް އޭނާގެ ދޮން މަންމަ މަރާލި މައްސަލައިގައި މަރުގެ އަދަބު ދީފައިވެއެވެ.
