އެމެރިކާއިން އިޒްރޭލަށް ދީފައިވާ ކުރިއަރާފައިވާ އެފް 35 ފަޔަރ ޖެޓްތައް އުދުއްސުމުގައި ޔަހޫދީ ޕައިލެޓުން ގެންގުޅުން މަނާކޮށްފިއެވެ. އިސްރާއީލުގެ މީޑިއާގައި ރިޕޯޓްކޮށްފައިވާ ގޮތުގައި އެމެރިކާގެ ޑިފެންސް ޑިޕާޓްމަންޓާއި ޖާސޫސީ އިދާރާތަކުން އިޒްރޭލަށް އަންގާފައި ވަނީ އެފް 35 އުދުއްސުމުގައި އެމެރިކާގެ މަތީ ފެންވަރުގެ ޓެކްނޮލޮޖީ އެހެން ފަރާތަކަށ ްފާއްދަލާފާނެތީ އިޒްރޭލުން ޔަހޫދީ ޕައިލެޓުން އެ ބޯޓްތަކުގައި ބޭނުން ހުރުން ހުއްޓާލުމަށެވެ.
އެމެރިކާއިން އެފް35ގެ ބޯޓުތައް އިޒްރޭލަށް ދީފައި ވަނީ ފައިބެ އަހަރުގެ ނޮވެމްބަރު މަހުގައެވެ. އޭގެ ތިން ބޯޓު ދީފައި ވެއެވެ.
އިސްރާއީލުގެ ދަ ޖެރޫސަލަމް ޕޯސްޓުން ބުނެފައިވަނީ މިއީ އެމެރިކާއިން އިންފޮމޭޝަން ސެކިއުރިޓީއާއި އެގައުމުގެ މަސްލަހަތު ރައްކާތެރިކުރުމަށް އިތުރު ސަމާލުކަމެއް ދިނުމުގެ ނަތީޖާއެއްގެ ގޮތުން އަޅާފައިވާ ފިޔަވަޅެއް ކަމަށެވެ. އިޒްރޭލުން ވަނީ އެމެރިކާގެ ނިންމުން ގަބޫލު ކޮށްފައެވެ.
އެފް35ގެ ފައިޓާ ޖެޓަކީ ޖާސޫސީ މައުލޫމާތު އެއްކުރުމާއި ހަމަލާދޭ މިޝަންތަކަށް ބޭނުންކުރެވޭ އެއް ގޮނޑީގެ މަލްޓި މިޝަން ރޭޑާއަށް ނާރާ ސްޓެލްތު މަތިންދާ ބޯޓެކެވެ.
އަދި އެއީ ސިއްރު ހަތިޔާރު ރައްކާކުރެވޭނެ ކޮމްޕާޓްމަންޓެއް ހުރި ހަމައެކަނި ފައިޓާ ޖެޓެވެ. އެފް 35ގެ އަގަކީ 85 މިލިއަން ޑޮލަރާއި 100 މިލިއަން ޑޮލަރާ ދެމެދުގެ އަދަދެކެވެ.
