އެމެރިކާގެ ހޮލީވުޑް ފިލްމުތަކަށް ޝަހުވާނީ އެދުންވެރިކަން ދެއްކުމަކާއި ނުލައި ފިލްމެއް ނުއުފެއްދެނީ އެމެރިކާ އަކީ ޝަހުވަތްތެރިކަމަށް ދެވިހިފާފައިވާ މުޖުތަމައަކަށް ވެގެން ބާވައެވެ؟ މި ސުއާލު ކުރެވިފައި މި ވަނީ 1968 ވަނަ އަހަރު އުފެއްދި ރޯމިއޯ ޖޫލިއެޓް ފިލްމުގަައި ފުރާވަރަށް އަރާ ޖޯޑެއް ލައްވައި ފިލިމު ކުޅުވައި، އެކުދިންގެ ބަރަހަނާ މަންޒަރެއް އޭގައި ދައްކާފައި ވުމުންނެވެ.
ފުރާވަރުގެ ކުދިންގެ ޖިންސީ އަމަލުން މަންފާ ލިބިގަތުމާ ދެކޮޅަށް ކުރިން ކޮށްފައިވާ އަމަލުތަކަށްވެސް ދައުވާ ކުރެވޭ ގޮތަށް ކެލިފޯނިއާ އިން ވަނީ ގާނޫނެއް ފާސްކޮށް މިދިޔަ ޑިސެމްބަރު 31އަށް އެންމެ ފަހު ދައުވާ ވެއްދުމަށް ފުރުސަތު ދީފައެވެ.
ޑައިރެކްޓަރ ފްރާންކޯ ޒެފިރެލީގެ 1968 ވަނަ އަހަރުގެ ރޯމިއޯ ޖޫލިއެޓް ފިލްމުގައި ދައްކާފައިވާ ބަރަހަނާ މަންޒަރަކީ އުމުރުން 15އަހަރާއި 16 އަހަރުގެ ދެ ކުއްޖަކު ލައްވައި އޮޅުވާލައިގެން ކުޅުވާފައިވާ މަންޒަރެކެވެ.
ޑައިރެކްޓަރ ފްރާންކޯ ޒެފިރެލީ މިހާރު އޮތީ ކައްވަޅުގައެވެ. ނަމަވެސް ދައުވާ ކޮށްފައި ވަނީ އެފިލްމު އުފެއްދި ޕެރަމައުންޓް ޕިކްޗާސްއާ ދެކޮޅަށެވެ.
މި ދެކުދިންނަކީ، އެއިރު އުމުރުން 15 އަހަރުގެ އޮލިވިއާ ހަސީ އާއި އުމުރުން 16 އަހަރުގެ ލިއޮނާޑް ވައިޓިން އެވެ.
އޮޅުވާލައިގެން އެކުދިންގެ ޖިންސީ ނާޖާއިޒު މަންފާ ނެގުމުގެ ކުށަށް އެތައް މިލިއަން ޑޮލަރެއް ބަދަލެއްގެ ގޮތުގައި ހޯދުމަށް ވަނީ ދައުވާ ކޯށްފައެވެ.
މިހާރު މި ދެތަރިންނަކީވެސް އުމުރުން 70 ގެ އަހަރުގެ ދެމީހުންނެވެ. އެމީހުން ބުނާ ގޮތުން އެދުމަތީގައި އެ ދެމީހުން ލައްވައި ބަރަހަނާ މަންޒަރު ކުޅުވުމުން އެކަމުޖގެ އަސަރު އެމީހުންގެ ފިލްމީ ހަޔާތުގައި ކޮށްފައި ވެއެވެ. ނަތީޖާއެއްގެ ގޮތުން އެމީހުން މަސައްކަތުގައި ކާމިޔާބުވާ ގޮތެއް ނުވެއެވެ.
ދައުވާގައި ބުނެފައި ވަނީ 2019 ވަނަ އަހަރު މަރުވި ޒެފިރެލީ އެ އެ ދެކުދިންގެ ގާތު އެ މަންޒަރު ފިލްމުގައި ނުހިމަނައިފިނަމަ ފިލްމު ފްލޮޕް ވާނެ ކަމަށް ބުނި ކަމަށެވެ.
