ފައިސާގެ ދަތިކަން ކުރިމަތިވެފައިވާ ސްރީލަންކާގެ އާންމު ދަތުރުފަތުރުގެ އިންފްރާސްޓްރަކްޗަރ ހަރުދަނާ ކުރުމަށް އިންޑިއާއިން އެހީގެ ގޮތުގައި 75 ފަސިންޖަރު ބަސް ސްރީލަންކާއާ ހަވާލުކޮށްފި އެވެ. އިންޑިއާއން ސްރީލަންކާއަސް އެހީ ދެމުން ގެންދަނީ އެގައުމުގެ 'ނެއިބަރހުޑް ފަސްޓް' ސިޔާސަތުގެ ތެރެއިންނެވެ.
އިންޑިއާއިން ހަވާލުކޮށްފައިވާ 75 ބަހަކީ، ޕަބްލިކް ޓްރާންސްޕޯޓް އިންފްރާސްޓްރަކްޗާ ހަރުދަނާ ކުރުމަށް އިންޑިއާ އިން ހަވާލު ކުރާނެ 500 ބަހުގެ ތެރެއިން ބައެއް ކަމަށް އިންޑިއާ ހައި ކޮމިޝަނުން ނެރުނު ބަޔާނުގައިވެ އެވެ.
މިފަދަ އެހެން ފިޔަވަޅެއްގައި އިންޑިއާއިން ވަނީ ޑިސެމްބަރު މަހު ލައިން އޮފް ކްރެޑިޓްގެ ދަށުން ސްރީލަންކާގެ ފުލުހުންނާ 125 އެސްޔޫވީ އުޅަނދު ހަވާލުކޮށްފައެވެ. ސްރީލަންކާ ހަލަބޮލި ވެގެން ދިއުމާއެކު ފުލުހުންނަށް ދިމާވާ ހަރަކާތްތެރި ވުމަށް ހުރަސް އެޅުމުގެ މައްސަލައަށް އެއިން ހައލްު ލިބިގެން ދިޔަކަމަށް ކޮޅުބުން ވަނީ ބުނެފައެވެ.
މިދިޔަ އަހަރުގެ މެއި މަހު ސްރީލަންކާ ސަރުކާރުން ވަނީ ބޭރުގެ ލޯނަށް ދައްކަން ޖެހޭ 51 ބިލިއަން ޑޮލަރަށް ވުރެ ގިނަ ޑޮލަރުގެ ދަރަނި ޑިފޯލްޓް ވެފައެވެ. އިންޑިއާއިން ވަނީ ސްރީލަންކާއަށް އެހީގެ ގޮތުގައި ގާތްގަނޑަކަށް 4 ބިލިއަން ޑޮލަރުގެ މާލީ އެހީތެރިކަން ފޯރުކޮށްދީފައެވެ.
