ޗައިނާގެ އެންމެ ފާޅުކަން ބޮޑު ހިޔަޅު ޑިޕްލޮމެޓްގެ ގޮތުގައި މަޝްހޫރުކަން ހޯދި ޗައިނާގެ ފޮރިން މިނިސްޓްރީގެ ތަރުޖަމާނު ޒާއޯ ލިޖިއަން އައު ޑިޕާޓްމަންޓަކަށް ބަދަލުކޮށްފިއެވެ. މިހާރު އޭނާއަކީ ފޮރިން މިނިސްޓްރީގެ ބިމާއި ކަނޑުގެ ބޯޑަރުތައް ބަލަހައްޓާ ޑިޕާޓްމަންޓުގެ ޑެޕިއުޓީ ހެޑެވެ.
އުމުރުން 50 އަހަރުގެ ޒާއޯ ޗައިނާ ފޮރިން މިނިސްޓްރީގެ ތަރުޖަމާނަކަށް ވެވަޑައިގަތީ 2020 ވަނަ އަހަރުއެވެ. އޭގެ ކުރިން އޭނާ މަސައްކަތް ކުރެއްވީ ޕާކިސްތާނުގައި ހުންނަ ޗައިނާގެ އެމްބަސީގައެވެ.
ޕާކިސްތާނު މީހުންނާއެކު ބަދަހި ގުޅުމެއް ބޭއްވި ޒާއޯ ޕާކިސްތާންގައި މަޝްހޫރުވެފައި ވަނީ މުހައްމަދު ލިޖިއަންގެ ނަމުންނެވެ.
ޗައިނާ ފޮރން މިނިސްޓްރީގެ މީޑިއާ ބްރީފިން ހޯސްޓް ކުރެއްވި ޒާއޯގެ ޓްވިޓާ ފޮލޯވަރުންގެ އަދަދު 1.9 މިލިއަނަށް އަރަ އެވެ.
