އިޒްރޭލުގެ ވަގު ވަޒީރާ ދެކޮޅަށް ހައިކޯޓުން ހުކުމެއް ކޮށް އޭނާ ޑިސްކޮލިފައި ކޮށްފާނެތީ ފަނޑިޔާރުންނާ ދެކޮޅަށް ކެމްޕޭނެއް ފަށައިފިއެވެ.
ވައްކަމާއި ކޮރަޕްޗަނާއި ފޭރުމާއި ނެޕޮޓިޒަމްގެ މައްސަލަތަކެއްގައި އިޒްރޭލުގެ ވަގު ދާޚިލީ ވަޒީރު އާރްޔާ މަޚްލޫފް ދޭރީ އަށް ޙުކުމް ކޮށްފައި ވެއެވެ. އޭނާ ޖަލުން ބޭރުގައި ހުއްޓަސް އަދި ޙުކުމްގެ ތަންފީޒު ނުކުރާ މުއްދަތެއްވެސް އެބަ އޮތެވެ.
މި ވަގު ވަޒީރަކީ ކޮންތާކުން އައި ކާކު؟ މީނާގެ ވައްކަމަކީ ކޮބާ؟
ޓައިމްސް އޮފް އިޒްރޭލުން ރިޕޯޓް ކުރިގޮތުގައި މަޚުލޫފް ދޭރީ ވަނީ ޕާލަމެންޓް ކެނެސެޓްގެ މެމްބަރުންނަށް ހައިކޯޓުގެ ފަނޑިޔާރުންގެ އަގު ވައްޓާލުމަށް ކެމްޕޭނެއް ހިންގުމަށް ގޮވާލާފައެވެ. އޭނާ ބުނީ އޭނާ ޑިސްކޮލިފައި ކުރުމުން އެ ހުކުމް ދެވެނީ އޭނާގެ ޔަހޫދީ ހަރުކަށި ސާޝް ޕާޓީގެ މެމްބަރުންނާ ދެކޮޅަށް ކަމަށެވެ.
މަޚްލޫފް ދޭރީ ބުނީ އޭނާއާ ދެކޮޅަށް ޙުކުމް ކުރަން އުޅޭ ފަނޑިޔާރުން އެއުޅެނީ އަމިއްލަ ފަޔަށް ބަޑި ޖަހަންވެގެން ކަމަށެވެ.
