މާލޭސިޓީކައުންސިލުން މާފަންނު ރަސްފަންނު ސާފު ކުރުމަށް އިއްޔެ ހިންގި ހަރަކާތުގައި ގިނައަދަދެއްގެ ކުނި ނަގައިފިއެވެ. މާލެ ސިޓީ ކައުންސިލާއި ޑައިވް ޑެސްކް ގުޅިގެން 4 ގަޑިއިރަށް އިއްޔެ ކުރިއަށް ގެންދި ހަރަކާތުގައި ވަނީ އެސަރަހައްދުން
1673 ޕްލާސްޓިކް ކޮތަޅާއި، 84.1 ކިލޯގެ ޕްލާސްޓިކް ފުޅިއާއި، 36.60 ކިލޯގެ ފިޝިން ގިޔަރާއި، 4 ކިލޯގެ ރެގިފޯމާއި 19 ކިލޯގެ ކަރުދާހާއި، 32.45 ކިލޯގެ ފޮތި ނަގައިފައެވެ. އޭގެ އިތުރުން 12 ކިލޯގެ ދަޅާއި، 36.50 ކިލޯގެ ލަކުޑިއާއި، 13.5 ކިލޯގެ ބިއްލޫރިއާއި، 3 ކިލޯ ރަބަރާއި، 4.5 ކިލޯ ދަގަނޑުޑަ ހިމެނެއެވެ.
އިއްޔެގެ ހަރަކާތުން ކިތަންމެ ކުންޏެއް ނެގިޔަސް އަދިވެސް ގިނަ އަދަކަށް ކުނި އެބަހުއްޓެވެ. އެހެންކަމުން މޫދަށް ކުނި އެޅުން ހުއްޓާލަން ޖެހެއެވެ. އެސަރަހައްދުން ކުނި ހުސްކުރުމަށްޓަކައި މިފަދަ އިތުރު ހަރަކާތްތައް ކުރިއަށް ގެންދަން ޖެހޭކަމަށް ޑައިވް ޑެސްޓުން ވެސް ވަނީ ބުނެފައެވެ.
މާލޭ ސިޓީކައުންސިލުން ގެންދަވަނީ މާލޭއާއި ވިލިމާލެ ސާފު ކުރުމުގެ މަސައްކަތްތައް ދުވަހުން ދުވަހަށް ކުރަމުންނެވެ. އެގޮތުން މަގުތަކާއި އާންމުތަންތަން މާލޭ ސިޓީކައުންސިލުން ގެންދަނީ ސާފުކުރަމުންނެވެ. މާލޭސިޓީ ކައުންސިލްގެ އިތުރުން ވެމްކޯއިން ވެސް ގެންދަނީ މާލެތެރެ ސާފު ކުރުމުގައި ހަރަކާތްތެރިވަމުންނެވެ.
