ސްޕެނިޝް ކޮޕާ ޑެލްރޭ ސެމީފައިނަލުގައި ރޭ އުނދަގުލުން ރެއާލް ސެސިއެޑާޑް 1-0 އިން ބަލިކޮށް ބާސެލޯނާ ސެމީފައިނަލުން ޖާގަ ހޯދައިފިއެވެ.
ބާސެލޯނާގެ މަޝްހޫރު ކޭމްޕްނޯ ސްޓޭޑިއަމްގައި ކުޅުނު މިމެޗުގައި ފެނިގެންދިޔަ ހަމައެކަނި ލަނޑު، މެޗުގެ 52 ވަނަ މިނެޓުގައި ކާމިޔާބު ކޮށްދިނީ މިސީޒަނުގައި ރަނގަޅު ފޯމެއްގައި ހުރި ފްރާންސް ގައުމީ ޓީމުުގެ ވިންގަރ އޮސަމާނޭ ޑެމްބެލޭއެވެ. ޑެމްބެލޭ މިލަނޑު ޖެހީ ހާފުުގެ ތެރެއަށް އަރިމަތިން ޑިފެންޑަރު ކުންޑޭ ދިން ޕާހެއް ހިފައިގެން ސޮސިއެޑާޑުގެ ހާފުގެ މެދަކާ ހިސާބުން ބޯޅަ ހިފައިގެން ދުވެ އޭރިޔާގެ ތެރެއަށް ވަދެ ފޮނުވާލި ބާރު ހަމަލާއަކުން ކާމިޔާބު ކުރި ލަނޑެކެވެ. މެޗް ނިމެން ދަނިކޮށް ނަތީޖާ ހަމަހަމަ ކުރުމަށް ސޮސިއެޑާޑުގެ އޮލަސަގަސްޓީއަށް ރަނުގެ ފުރުސަތެއް ލިބުނެވެ. އޭނާ ހުހަށްހުރެ ފޮނުވާލި ހަމަލާ ހުށިޔާރުކަމާއެކު ބާސާގެ ކީޕަރު ޓަރ ސްޓެޖެން ދިފާއު ކުރީއެވެ.
މެޗުގެ ބޮޑު ބައި ބާސެލޯނާއިން ކޮންޓްރޯލް ކުރިނަމަވެސް ސޮސިއެޑާޑުގެ ގޯލަށް އަމާޒުކޮށް ފޮނުވާލެވުނީ ނުރައްކާތެރި މަދު ހަމަލާތަކެވެ. އަނެއްކޮޅުން ބާސާގެ ގޯލަށް އަމާޒުކޮށް ސޮސިއެޑާޑަށް ފޮނުވާލެވުނީ އެންމެ 2 ހަމަލާއެވެ.
ކުއާޓާފައިނަލުގައި ރޭ ސެވިއްޔާ 1-2 އިން ބަލިކޮށް އޮސަސޫނާވެސް ވަނީ ސެމީފައިނަލުން ޖާގަ ހޯދާފައެވެ. ކުއާޓާގައި މިރޭވެސް ދެމެޗް ކުޅޭނެއެވެ. ފުރަތަމަ މެޗުގައި ބައްދަލު ކުރާނީ ވެލެންސިޔާ އާއި އެތުލެޓިކް ކްލަބެވެ. ދެވަނަ މެޗުގައި ރެއާލް މެޑްރިޑާއި އެތުލެޓިކޯ މެޑްރިޑެވެ.
ޑެމްބްލޭ ޖެހި ލަނޑުގެ ޔޫޓިއުބް ލިންކް:
https://www.google.com/search?q=dembele+goal+against+sociedad&source=lnms&tbm=vid&sa=X&ved=2ahUKEwjcg5rLkeT8AhWZyKACHdmHAAcQ_AUoAXoECAEQAw&biw=1333&bih=618&dpr=1#fpstate=ive&vld=cid:85fd9695,vid:ITeuwzbK-tk
