އިޓަލީ ގައުމީ ޓީމާއި ޗެލްސީގެ ތަޖުރިބާކާރު މިޑްފީލްޑަރު ޖޯޖީނިއޯ ދާއިމީ އެއްބަސްވުމެއްގެ ދަށުން އާސެނަލްއަށް މިއަދު ބަދަލުވެއްޖެއެވެ.
ޗެލްސީން ޖޯޖީނިއޯ ވިއްކާލީ 12 މިލިޔަން ޓްރާންސްފާ ފީ އަކަށެވެ. އާސެނަލްއިން ޖޯޖީނިއޯއާއެކު ސޮއި ކުރީ ދޮޅު އަހަރުގެ ކޮންޓްރެކްޓެއްގައެވެ. މިއެއްބަސްވުމުގެ ދަށުން ކޮންޓްރެކްޓް އެއްއަހަރަށް އިތުރު ކުރުމުގެ ފުރުސަތު އާސެނަލްއަށް ލިބިދެއެވެ.
ޔޫރޯ 2020 އިޓަލީއަށް ކާމިޔާބު ކޮށްދިނުމަށާއި ޗެލްސީއަށް މީގެ ދެސީޒަން ކުރިން ޗެމްޕިއަންސްލީގް ކާމިޔާބު ކޮށްދިނުމުގައި މުހިއްމު ދައުރެއް އަދާކުރި ޖޯޖީނިއޯ އާސެނަލްއަށް ގެނެސްފައި މިވަނީ ލީގް ޗެމްޕިއަންކަމަށް އެޓީމު ވާދަކުރަމުން އަންނައިރު، މުހިއްމު މިޑްފީލްޑަރު މިސްރުގެ މިޑްފީލްޑަރު މުހައްމަދު އެލްނެނީ ކުކަލަށް އަނިޔާ ކުޅުމާ ދުރަށް ދާން ޖެހިފައިވާތީ ސްކޮޑް ވަރުގަދަ ކުރުމަށެވެ.
2018 ވަނަ އަހަރު ނަޕޯލީ ދޫކޮށް ޗެލްސީއާ ގުޅުނު ޖޯޖީނިއޯ ވަނީ އެކްލަބަށް 143 މެޗް ކުޅެދީ 9 ލަނޑު ކާމިޔާބު ކޮށްދީފައެވެ.
