އައު ސިޔާސީ ޕާޓީއެއް އުފެއްދުމުގެ ހުއްދަ ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރ އަބްދުﷲ ޖާބިރަށް ދެއްވައިފިއެވެ.
"ގްރީން ޕާޓީ އޮފް މޯލްޑިވްސް" (ޖީޕީއެމް) ގެ ނަމުގައި ޕާޓީ ހެދުމުގެ ހުއްދަ އިލެކްޝަންސް ކޮމިޝަނުން ޖާބިރަށްދެއްވީ މިއަދު އެވެ. މީގެ ކުރިން ޖާބިރު މަސައްކަތްކުރަމުން ވަޑައިގެންނެވީ ޑީއާރުޕީގެ ލީޑަރެއްގެ ހައިސިއްޔަތުން އެޕާޓީގައެވެ. އެހެންނަމަވެސް އައުޕާޓީ ހެއްދެވުމުގެ މަސައްކަތް ފެށްޓެވުމަށްފަހު އޭނާ ވަނީ ޑީއާރުޕީން އިސްތިއުފާ ދެއްވައިފައެވެ.
އަލަށް އުފައްދާ ޕާޓީން ރިޔާސީ އިންތިޚާބުގައި ވާދަކުރުމުގެ ވިސްނުމެއްވެސް ޖާބިރު ގެންގުޅުއްވައެވެ. އެހެންނަމަވެސް އެއަށްވުރެ ކުރިން ޕާޓީއަށް މީހުން ހަމަކޮށް ގާނޫނީގޮތުން ފުރިހަނަކުރަންޖެހޭ ކަންކަން ފުރިހަމަ ކުރަންޖެހެއެވެ.
އައު ސިޔާސީ ޕާޓީއެއް ޖާބިރު އުފައްދަވަނީ ޑީއާރުޕީއާގެން ކުރިއަށް ވަޑައިގެންނެވެން ނެތިގެން ކަމަށް އޭނާ ވަނީ ވިދާޅުވެފައެވެ.
