ސްޓޭޓް އިލެކްޓްރިކް ކޮމްޕެނީ (ސްޓެލްކޯ)އިން ވ. އަތޮޅު ތައުލީމީ މަރުކަޒުގެ ދަރިވަރުންނަށް ބޭސިކް އިލެކްޓްރިކަލް ވަޔަރިންގ ޕްރޮގްރާމެއް ހިންގައިފިއެވެ.
އެ ކުންފުނިން ވިދާޅުވީ މި ޕްރޮގްރާމަކީ އެ މަރުކަޒުގެ ދަރިވަރުން ފަންނީ އަދި ގާބިލް ބަޔަކަށް ހެދުމުގެ މަގުސަދުގައި ކުރިއަށް ގެންދިޔަ ޕްރޮގްރާމެއް ކަމަށެވެ.
މި ޕްރޮގްރާމަކީ ވ. އަތޮޅު ތައުލީމީ މަރުކަޒާއި، ސްޓެލްކޯގެ ފެލިދޫ އިންޖީނުގެއާއި ގުޅިގެން ކުރިއަށް ގެންދިޔަ ޕްރޮގްރާމެއް ކަމަށް އެ ކުންފުނިން ވަނީ ވިދާޅުވެފައެވެ.
މި ބޭސިކް އިލެކްޓްރިކަލް ވަޔަރިންގ ޕްރޮގްރާމް، ޔުނިސެފްގެ ރީޖަނަލް ޑިރެކްޓަރ ވަނީ ބައްލަވާލައްވާފައެވެ.
