ޖޯޑަންގައި ހުންނަ ޒަޔަނިސްޓު ޔަހޫދުންގެ އެމްބަސީއާ ދިމާއަށް ބަޑީގެ ހަމަލަތަކެއް ދީފިއެވެ. މިވަގުތު ޖޯޑަންގެ އެމްބަސީގެ ހިމާޔަތުގައި ފުލުހުން ވަނީ އެތަން ވަށާލާފައެވެ. އަދި ގެއަކަށް ރެއިޑް ކޮށްފައި ވެއެވެ. ނަމަވެސް މީހަކު ހައްޔަރެއް ނުކުރެއެވެ. އަދި އެއްވެސް ފަރާތަކުން މި ހަމަލައަށް ޒިންމާ އުފުލާފައެއްވެސް ނުވެއެވެ.
އާދަވެގެން ޖޯޑަންގައި ޔަހޫދުންގެ އަނިޔާއަށް މުޒާހަރާ ކުރަތެވެ.
ޖޯޑަންއަކީ ފަލަސްޠީނުގެ ހުޅަނގު އައްސޭރި ސަހަރާ އިންގެވެގެން އޮންނަ ދައުލަތެވެ. އެގައުމުގެ އާމްދަނީގެ މައިގަނޑު އެއް ވަސީލަތަކީ ހިފާފައިވާ ފަލަސްޠީނުގެ ވެރިރަށް ޤުދުސްއަށް ޒިޔާރަތް ކުރާ މީހުންގެ އަތުން ލިބޭ ޓޫރިސްޓް ޑޮލަރެވެ.
ޔަމަނުގެ އަންސާރުﷲ އިން ރެޑްސީ އަށް އޮންނަ ހިފާފައިވާ ފަލަސްޠީނުގެ އީލާތު ބަނދަރު ބަންދުކުރުމުން ޖޯޑަން މަގުން ޔަހޫދުންނަށް ކާނާއާއި ހަތިޔާރު ވެއްދުމުންވެސް އެގައުމަށް ރަނގަޅު އާމްދަނީއެއް ލިބެއެވެ.
ޖޯޑަންއާގެ އާބާދީ އަކީ ފަލަސްޠީނު ނަސްލުގެ މީހުންނެވެ.
ވެރިކަން ކުރާ އާއިލާއަކީ ނަޖުދުގެ ވައްހާބީންނާއި ގުޅިގެން ސައޫދު ގަބީލާއިން ހިޖާޒު ކަރަ ހިފުމުން އެ ކަރަ ދޫކޮށް ފިލަން މަޖުބޫރުވި ޝަރީފް ޚާންދާންގެ މީހުންނެވެ. އެމީހުންނަކީ ކުރިން މައްކާގެ ޝަރީފްގެ ނަމުން މަޝްހޫރުވި ޚާންދާނެވެ.
ޙަސަން ތާޖުއްދީންގެ ތާރީޚުގައި މައްކާގެ ޝަރީފްއާއި ރާއްޖޭގެ ރަސްރަސްކަލުންނާ ދެމެދުގެ ޒުވާބުގެ ތަފްސީލު ގެނަސްދީފައި ވެއެވެ.
