ށ. ނަރުދޫ ބަނދަރު ތަރައްޤީ ކުރުމުގެ މަޝްރޫޢުގެ އަމަލީ މަސައްކަތް މި ދިޔަ ބުރާސްފަތި ދުވަހު ފެށިއްޖެ ކަމަށް އެމްޓީސީސީ ވިދާޅުވެއްޖެއެވެ. އަދި މިހާރު ކުރިއަށްދަނީ އައު ހާބަރ ބޭސިން ފުންކުރުމުގެ މަސައްކަތްކަމަށް އެކުންފުނިންވަނީ ވިދާޅުވިއެވެ.
މި މަޝްރޫޢުގެ ދަށުން:
- 51,212 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުން
- 4,120 ކިއުބިކް މީޓަރުގެ ސަރަޙައްދެއްގެ ނެރު ފުންކުރުން
- 371 މީޓަރުގެ ސަރަޙައްދެއްގައި ބޭރުތޮށިލުން
- 205 މީޓަރުގެ ސަރަޙައްދެއްގައި ރިވެޓްމެންޓް ޖެހުން
- 210 މީޓަރުގެ ސަރަޙައްދެއްގައި އެއްގަމުތޮށިލުން
- 955 އަކަ މީޓަރުގެ ސަރަޙައްދެއްގައި ހާބަރ ޕޭވްމަންޓް ހެދުން
- އަދި ރޭމްޕެއް ހެދުމާއި، ބަނދަރު ބައްތި ހަރުކުރުމުގެ މަސައްކަތް ހިމެނެއެވެ.
މި މަޝްރޫޢަކީ ސަރުކާރުން ހިންގާ 41.34 މިލިއަން ރުފިޔާގެ މަޝްރޫޢެކެވެ.
