އިންޑިޔާ ކަނޑުގައި މަސްވެރިކަން އުޅުނު ޗައިނާގެ މަސްބޯޓެއް ބަންޑުން ޖަހާލުމާއި ގުޅިގެން އޭގައި ތިބި ފަޅުންތެރިން ހޯދުމުގެ މަސައްކަތް ފަށައިފިއެވެ.
ޗައިނާ ސަރުކާރުން ނެރެފައިވާ ނޫސްބަޔާނެއްގައި ބުނެފައި ވަނީ ގެއްލުނު މަސްބޯޓުގައި 39 ފަޅުވެރިން ތިބި ކަމަށެވެ. އެއީ ޗައިނާގެ 17 މަސްވެރިންނާއި އިންޑޮނޭޝިޔާގެ 17 މަސްވެރިންނާއި ފިލިޕީންސްއަށް ނިސްބަތްވާ ފަސް މަސްވެރިންނެވެ.
ބަންޑުން ޖަހާލުމާއި ގުޅިގެން ހޯދަމުން އަންނަނީ "ލު ޕެންގ ޔުއާންގ ޔޫ 028" ނަމަކަށް ބޯޓެކެވެ. މިބޯޓް ބަންޑުން ޖަހާލާފައި މިވަނީ ބޭ އޮފް ބެންގާލްގައި ބާރުގަދަ ތޫފާނެއް މިދިޔަ ހަފްތާގައި އުފެދިފައި ވަނިކޮށެވެ.
"ޗައިނާގެ ރައީސް ޝީ ޖިންގ ޕިން އަންގާފައި ވަނީ ހުރިހާ ވަސީލަތެއް ބޭނުންކޮށްގެން، ގެއްލުނު މީހުން ހޯދުމަށް. އަދި މަސްވެރިކަމަށް ނިކުންނަ އަޅަނދުތަކުން ސަލާމަތާއި ރައްކާތެރިކަމަށް އިސްކަން ދިނުމަށް" ޗައިނާ ސަރުކާރުން ނެރުނު ނޫސްބަޔާނުގައި ބުނެފައިވެއެވެ.
