ވިލިމާލޭގައި އިއްޔެ މޫދަށް އެރިއުޅެނިކޮށް އޮޔާ ދަމައިގަތް މީހަކު ސަލާމަތް ކުރުމުގައި އެމްޓީސީސީގެ މުވައްޒަފުން ދެއްކި ހިތްވަރާއި ސާބިތުކަމާމެދު ފަޚުރުވެރިވާ ކަމުގައި އެމްޓީސީސީން ވިދާޅުވެއްޖެ އެވެ.
ވިލިމާލޭގައި މޫދަށް އެރިއުޅުނު މީހަކު އޮޔާދިޔަކަމަށް ފުލުހުންނަށް ރިޕޯޓް ލިބުނީ 15:55 ހާއިރުއެވެ. ފުލުހުން، އެމީހާ ސަލާމަތް ކުރަން ދިޔުމުގެ ކުރިން އެމްޓީސީސީގެ ފެރީއެއްގައި ތިބި މުވައްޒަފުން ވަނީ އެމީހާ ސަލާމަތް ކޮށްފައެވެ.
"އޮޔާ ދަމައިގަތް މީހާ ސަލާމަތް ކުރުމަށް މުވައްޒަފުން ދެއްކި ހިތްވަރާއި ސާބިތުކަމަށްޓަކައި މި ކުންފުނިން އެމުވައްޒަފުންނާމެދު ފަޚުރުވެރިވަން. އެކުންފުނީގެ މުވައްޒަފުންނަށް ސޭފްޓީ އަދި ރެސްކިއު ޓްރޭނިންތައް ބާއްވަނީ މިފަދަ ހާލަތްތަކުގައި އެހީ ބޭނުންވާ ފަރާތްތަކަށް އެހީ ފޯރުކޮށްދިނުމުގެ މާތް މަގްސަދުގައި" އެމްޓީސީސީއިން ވިދާޅުވިއެވެ.
