ގިނަ އަދަދެއްގެ ބަނގުރާފުޅިތަކެއް އެމްޓީސީސީގެ ބަހެއްގެ ތެރޭ ގެންގުޅުނު އިންޑީއާ ތިން މީހަކު ހައްޔަރުކޮށްފިއެވެ. ފުލުހުން މި ތިން މީހުން ހައްޔަރުކޮށްފައި ވަނީ މާލެއިންނެވެ. ތިންމީހުންގެ ތެރެއިން ދެ މީހަކީ މޯލްޑިވް ގޭސްގެ މުވައްޒަފުންނެވެ.
މި ތިން މީހުން ހައްޔަރުކޮށް މިއަދު ކްރިމިނަލް ކޯޓަށް ގެންދިޔުމުން ދެމީހަކު 15 ދުވަހަށް އަދި އެކަކު ފަސް ދުވަހަށް ބަންދުގައި ބެހެއްޓުމަށް އެކޯޓުން ވަނީ އަމުރުކޮށްފަ އެވެ.
ފުލުހުން މި އޮޕަރޭޝަން ހިންގީ، އެމްޓީސީސީގެ ބަހެއްގެ ތެރޭގައި ބަނގުރާ ގެންގުޅޭ ކަމަށް އެ މުއައްސަސާއަށް ލިބުނު މައުލޫމާތަކާ ގުޅިގެންނެވެ. އެމީހުންގެ ކޯޓު އަމުރުން އެނގޭ ގޮތުގައި އެމީހުން އަތުން ފެނިފައިވަނީ ޖުމްލަ 23 ފުޅި ބަނގުރަލެވެ.
މި މައްސަލައިގައި ހައްޔަރުކޮށްފައި ވަނީ:
- 35 އަހަރުގެ "އެމަލުމަލައި ތަންގާރުޖު" ގެންގުޅުނު ކޮތަޅެއް ތެެރެއިން 500 އެމްއެލްގެ ފަސް ފުޅި ބަނގުރާ ފެނިފައިވޭ
- 38 އަހަރުގެ "ޗޯޓޭލާލް" ގެންގުޅުނު ކޮތަޅެއް ތެރެއިން ދެ ފުޅި ބަނގުރާ ފެނިފައިވޭ
- 30 އަހަރުގެ "ސިވަނަންދަން ޗިންނާ ތަންބީ" ގެންގުޅުނު ދަބަހެއްގެ ތެރެއިން 16 ފުޅި ބަނގުރާ ފެނިފައިވޭ
މިއީ އޭނާގެ "ފުރަތަމަ ކުށަށްވާތީ މާފްކޮށްދިނުމަށް" މޯލްޑިވް ގޭސް ކުންފުންޏަށް ނިސްބަތް ވާ ދެމީހުން ފިޔަވައި ދެން ހުރި ޗޯޓޭލާލް ވަނީ ކޯޓުގައި އެދިފައެވެ.
