އެސިސްޓަންޓް ކޮމިޝަނާ އޮފް ޕޮލިސް ޑރ. އަބްދުﷲ ފައިރޫޝް މިއަދު ރިޓަޔާ ކުރައްވައިފި އެވެ.
ޕޮލިސް ކޮމިޝަނަރު މުހައްމަދު ހަމީދު މިއަދު ކުރެއްވި ޓްވީޓެއްގައި ވަނީ އެކަން ކަށަވަރުކޮށްދެއްވައިފަ އެވެ. ހަމީދުގެ ޓްވީޓުގައި ވަނީ ފައިރޫޝް ކުރެއްވި ހިދުމަތަށް ޝުކުރު އަދާކުރައްވައި ކާމިޔާބަށް އެދިވަޑައިގެންފައެވެ.
ފުލުހުންގެ ޚިދުމަތުން ފައިރޫޒް ރިޓަޔާކުރެއްވިއިރު އޭނާ ހުންނެވީ ފުލުހުންގެ ހެޑް އޮފް ރިސޯސް މެނޭޖްމެންޓްގެ މަގާމުގައެވެ.
އޭސީޕީގެ މަޤާމުގައި ހުންނަވައިގެން ކުރެއްވި ޓްވީޓަކާ ގުޅިގެން 2017 ވަނަ އަހަރުގެ އޮކްޓޯބަރ މަހު ވަޒީފާއިން ވަކިކުރި ފައިރޫޝް އަށް އަލުން ވަޒީފާ ދިނުމަށް ސިވިލް ކޯޓުން ޙުކުމް ކުރީ މިދިޔަ ޑިސެމްބަރު މަހުގެ 13 ވަނަ ދުވަހު އެވެ.
2014 ވަނަ އަހަރުގެ ޑިސެމްބަރުން ފެށިގެން އޮސްޓްރޭލިއާ އަށް ދިރިއުޅުން ބަދަލުކުރައްވާފައިވާ ފައިރޫޝް މަގާމުން ވަކިކުރީ ނޯޕޭ ލީވް ނަންގަވައިގެން ސްކޮލާޝިޕެއްގައި އޮސްޓްރޭލިއާގައި ކިޔަވަން ހުންނަވަނިކޮށެވެ.
