ކޯކަކީ ތަންތަން ސާފުކުރަން ފިސާރި ރަނގަޅު އެކުވެރިއެއްކަން ކުރިން ކޯކާއި ސައިބޯނިން ތައްޔާރުކުރި ތެލިތަވާ ފަދަ ތަކެތި ދޮވެ ސާފުކޮށްދޭކަން އޮތީ ސާބިތުވެފައެވެ، މިފަހަރުވެސް މިއައީ ކޯކާއެކު ސޮފްޓްނަރ ހިފައިގެންނެވެ.
މިހާރު މިއުޅެނީ ތަށިމުށިތަކާއި ސިންކު އަދި ފާހާނާތަށްޓަށް އަރާފައި ހުންނަ ރަތްކުލަ ފިލުވައިލަން މުޖައްރިބު "ލައްފިލުވައިލާ"އެއް ތައްޔާރުކޮށްލާށެވެ. މިއީ އެއްވެސް ހާލެއްގައި އެހާ އުނދަގޫ ކަމެއް ނޫނެވެ.
ބޭނުންވާ ތަކެތި
- ކުޑަކޯކްފުޅިއެއްގެ އެއްބައި
- މޭޒުމަތީ ސަމުސާ ބޭކިންސޮޑާ
- ބައިޖޯޑު ސޮފްޓްނާރ(ކޮންމެ ބްރޭންޑެއްވެސް ރަނގަޅުވާނެ،)
- ސްޕްރޭ ކުރެވޭ ފުޅިއެއް
ކޯކްފުޅި ކަޑާލުމަށްފަހު އެއްބައި ބޯލުމަށްފަހު އަނެއްބައި މިކަމަށް ބޭނުން ކުރެވިދާނެއެވެ. ސޮފްޓްނަރފޮދު ކޯކްފުޅިއަށް އަޅާލާށެވެ. ދެން ކުޑަކޮށް މިކްސްކޮށްލުމަށްފަހު ޖަގު ނޫނީ އެނޫންވެސް އެއްޗަކަށް އޮއްސާލާށެވެ. އަދި ބޭކިންސޮޑާ ސަމުސާ އެޅުމަށްފަހު ރަނގަޅަށް އެއްކޮށްލާށެވެ.
ދެން ސްޕްރޭފުޅިއަށް އަޅައި މަތިބަންދު ކޮށްލާށެވެ. ސްޕަންޖަކާއި މިކްސްކޮށްފައި ހުރި ކްލީންކްލީން ހިފައިގެން ފާހާނާ ސާފުވޭތޯ ބަލާލަން ހިނގާށެވެ. މިއީ ޓައިލްސްއާއ،ި ސިންކު، ފާހާނާތަށި ފަދަ ތަކެތީގައި ގިނަދުވަސްވެ ނުފިލާ ހަރުލާފައި ހުންނަ ހަޑިލައްތައް ފިލުވައިލަން އެއްވަނައަށް އެހީތެރިވެދޭ "ލައްފިލުވާބޭހެއްކަން ޔަގީނެވެ.
އަޅެ، ނިކަން އަޖުމަ ބަލައިލަން މިރެސިޕީ ބޭނުން ކޮށްގެން މީގެ ލައްފިލުވާ ސްޕްރޭ ފުޅިއެއް ތައްޔާރުކޮށްލައްވާށެވެ. އަދި ފާހާނާގެ ސިންކު، ފާހާނާތަށި، ފަދަ ތަންތަނުގައި ހަޑިވެފައި ހުރިތަންތަން ސާފުކޮށްލައްވާށެވެ. ހަރަދުކުޑަވެފައި "ސާފު.ބްލީޗް"ފަދަ ތަކެތީގައި އެހުންނަ ވަހުންވެސް ރައްކާތެރިކަން ލިބުނީއެވެ.
