އއ. މާޅޮސް ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތުގެ 80 ޕަސެންޓް ނިމިއްޖެކަމަށް އެމްޓީސީސީއިން ބުނެފިއެވެ.
އެކުންފުނިން ބުނީ ޖެޓީ ހެދުމާއި ހާބަރ ޕޭވްމަންޓް ހެދުމުގެ މަސައްކަތްވެސް ވަނީ ނިމިފައިކަމަށެވެ.
މި މަޝްރޫޢުގެ ދަށުން:
- 20,049 ކިއުބިކް މީޓަރުގެ ސަރަޙައްދެއްގެ އައު ހާބަރ ބޭސިން ފުންކުރުން
- 1,969 ކިއުބިކް މީޓަރުގެ ސަރަޙައްދެއްގެ ނެރު ފުންކުރުން
- 2,317 ކިއުބިކް މީޓަރުގެ ސަރަޙައްދެއްގެ ކުރީގެ ހާބަރ ބޭސިން ފުންކުރުން
- 407 މީޓަރުގެ ސަރަޙައްދެއްގައި ބޭރުތޮށިލުން
- 400 މީޓަރުގެ ސަރަޙައްދެއްގައި އެއްގަމުތޮށިލުން
- 170 މީޓަރުގެ ސަރަޙައްދެއްގައި ރިވެޓްމެންޓް ޖެހުން
- 56 މީޓަރުގެ ސަރަޙައްދެއްގައި ގްރޮއިން ޖެހުން
- ރޭމްޕެއް ހެދުމާއި ޖެޓީއެއް ހެދުން
- އަދި 2240 އަކަ މީޓަރުގެ ސަރަޙައްދެއްގައި ހާބަރ ޕޭވްމަންޓް ހެދުމާއި، ބަނދަރު ބައްތި ހަރުކުރުމުގެ މަސައްކަތް ހިމެނެއެވެ.
ސަރުކާރުން ހިންގާ މި މަޝްރޫޢަކީ 63.25 މިލިއަން ރުފިޔާގެ މަޝްރޫޢެކެެވެ.
