ގއ. ދެއްވަދުއިން އިތުރު އަށް މީހަކު ކޮވިޑް-19 ޕޮޒިޓިވް ވެއްޖެއެވެ.
ދެއްވަދޫ ކައުންސިލްއާ ހާވާލާދީ "ސަން"އިން ރިޕޯޓު ކޮށްފައިވާ ގޮތުގައި މީގެ ދެ ދުވަސް ކުރިން ފޮނުވި ސާމްޕަލްތަކެއްގެ ނަތީޖާ ލިބުނު އިރު އޭގެ ތެރެއިން އަށް މީހަކު ވަނީ ކޮވިޑަށް ޕޮޒިޓިވްވެފައެވެ.
ކައުންސިލުން ވަނީ ފައްސިވި މީހުންގެ ތެރޭގައި 18 އަހަރުން ދަށުގެ ކުއްޖަކާއި އުމުރުން ދުަވަސްވީ މީހަކުވެސް ހިމެނޭ ކަމަށް ބުނެފައެވެ.
އެއާއެކު އެރަށުން ބައްޔަށް ޕޮޒިޓިވްވީ މީހުންގެ އަދަދު ވަނީ 18 އަށް އަރައިފަ އެވެ.
އެހެންނަމަވެސް ދެއްވަދޫއިން ޕޮޒިޓިވްވި މީހުންނަކީ މީގެ ކުރިން އެ ރަށުން ކޮވިޑް ޖެހުނު މީހުންނާއި ކޮންޓެކްޓުވި މީހުންގެ ތެރެއިން ސާމްޕަލް ނެގި މީހުން ކަމަށް އެ ރަށު ކައުންސިލާއި ހަވާލާދީ "ސަން" ގައި ވަނީ ރިޕޯޓްކޮށްފައެވެ.
