ރިޔާސީ އިންތިޚާބުގައި ވާދަކުރައްވާ ޕީއެންސީގެ ކެންޑިޑޭޓު ޑރ. މުޙައްމަދު މުއިއްޒުއަކީ ވެރިކަން ކުރާ އެމްޑީޕީގެ އެޖެންޓު ކެންޑިޑޭޓޭއްކަމަށް ޖޭޕީގެ ރިޔާސީ ކެންޑިޑޭޓް ޤާސިމް އިބްރާހިމްގެ ސްޕެޝަލް އެޑްވައިޒަރ ޑރ.މުހައްމަދު ވަހީދު ހަސަން މަނިކު ވިދާޅުވެއްޖެއެވެ.
އެމަނިކުފާނު އެހެން ވިދާޅުވީ ރިޔާސީ އިންތިޚާބުގެ ކެމްޕޭން ދަތުރުފުޅުތަކުގައި ށ. ގޮއިދޫއަށް ވަޑައިގެން އެ ރަށުގައި ބޭއްވި ޖަލްސާއެއްގައި ވާހަކަފުޅުދައްކަވަމުންނެވެ.
ރައީސް ވަހީދު ވިދާޅުވީ، ކިތަންމެ ބައިވަރު ބައިވަރު ނަމެއް ވޯޓު ކަރުދާހުގައި އޮތްނަމަވެސް، ޤާސިމް އިބްރާހިމް ފިޔަވައި ދިވެހިރާއްޖޭގެ ރައްޔިތުން ވޯޓުދޭ ވަރުގެ ކެންޑިޑޭޓޭއް ނެތްކަމަށާއި ދެން ނިކުމެ ތިއްބެވި އެމްޑީޕީގެ ރިޔާސީ ކެންޑިޑޭޓާއި ޕީއެންސީގެ ރިޔާސީ ކެންޑިޑޭޓަކީ އެއްބަޔެއްކަމަށެވެ.
މީގެ އިތުރުން އެމަނިކުފަނުގެ ވާހަކަފުޅުގައިރައީސް ޞާލިޙް އަކީ ދުނިޔޭގެ ހިނގާ އޮޔާއި ވަޔާއި އެނގިވަޑައިގަންނަވާ ބޭފުޅެއް ނޫންކަމަށާއި އެވަރުގެ ނާޤާބިލް ތައުލީމެއްނެތް ބޭފުޅަކު ދިވެހިރާއްޖޭގެ ވެރިކަމަށް ގެނައުމުން މިއަދު ދިވެހީންނަށް ކުރިމަތިވެފައި މިވަނީ ދިވެހީންގެ މިނިވަންކަން ގެއްލޭވަރުގެ ބޮޑު ނުރައްކަލެއްކަމަށާއި މި ރާއްޖޭގެ އެންމެން "ދަރަނިވެރިކޮށްލާފައި" ވާކަމަށް ރައީސް ވަހީދު ވިދާޅުވިއެވެ.
މީގެ އިތުރުން، ޕީޕީއެމްގެ ކެންޑިޑޭޓު ހުންނެވިކަމަށް ބައެއް ބޭފުޅުން ވިދާޅުވިނަމަވެސް ޕީޕީއެމް ކެންޑިޑޭޓޭއްވެސް ނެތްކަމަށް އެމަނިކުފާނު ވިދާޅުވިއެވެ.
"ޕީޕީއެމްގެ ކެންޑިޑޭޓެއް ނެތޭ ބައްލަވާ. ޕީޕީއެމްގެ ކެންޑިޑޭޓެއް މިއަދު ނެތޭ. މިއަދު ހުރީ ކުޑަ ކުޑަ ޕާޓީއަކުން ނިކުމެ ހުރި އެމްޑީޕީ މީހުން ބުނާގޮތުގަ ވެއްޖިއްޔާ އެމީހުންގެ އޭޖެންޓެއް، އެމީހުން ފައިސާ ދީގެން 25 ވޯޓު ގަތް ބޭފުޅަކު. އެހެންވީމާ ކޮބައިތޯ ކެންޑިޑޭޓު؟ އޮޕޮސިޝަން ކެންޑިޑޭޓު ކޮބައިތޯ؟ އެއްފަރާތެއްގައި މިހުރީ އެމްޑީޕީގެ ކެންޑިޑޭޓު. ދެން މިހިރީ އެމްޑީޕީގެ އޭޖެންޓު ކެންޑިޑޭޓު. ދެން ކޮބައިތޯ ކެންޑިޑޭޓު؟ މީ ވަރަށް ސާފުކޮށް އޮތް ކަމެކޭ. މި އިންތިޚާބަކު ނެތޭ، އެހެން ކެންޑިޑޭޓެއް ނެތޭ" ރައީސް ވަހީދު ތަކުރާރުކޮށް ވިދާޅުވިއެވެ.
އެހެންކަމުން ގާސިމް އިބްރާހިމް ފިޔަވައި ދިވެހިން ވޯޓުދޭނެ އެހެން އެއްވެސް ކެންޑިޑޭޓެއް ނެތްކަމަށާއި އެކަމާމެދު ދިވެހީން ވިސްނެވުމަށް އިލްތިމާސްކުރައްވަމުން ރައީސް ވަހީދު ވިދާޅުވީ އެމަނިކުފާނު ސިޔާސީ މައިދާނާއި ދުރުގައި ހުރުމަށްފަހު އަލުން އެނބުރި އެ މަސައްކަތަށް މި އައީ ގައުމު އޮތް ހާލަތުގެ ސަބަބުންކަމަށާއި، މި ގައުމު ދެން ހިމާޔަތްކުރެއްވޭނީ ގާސިމަށް އެކަނި ކަމަށެވެ.
ފުރަތަމަ މޮޔަވީ ޓޯޕީ. އެ ކަހަލަ ބުރާންޗެއް މޮޔަވިޔަސް ހައިރާނެއް ނުވި. ނަމަވެސް ޑރ. ވަހީދު ފަދަ ތަޢުލީމީ ބޭފުޅެއްކަމަށް ކުރީން ހީކުރެވުނު ބޭފުޅަކު އަމިއްލަ އެދުމަށް ޓަކައި މޮޔަ ގޮވަން ފެށީމާ ވަރަށް ހަމްދަރުދީ ވެއްޖެ. ޓޯޕީ ފެންވަރަށް ޑރ. ވަހީދު ވެއްޓިވަޑައިގަތުމަކީ ދެރަ ކަމެއް.