އާރުޓީއެލް ބަހުގެ ހިދުމަތުގައި ހިމެނޭ އަމީނީ ރޫޓުގެ ބަސް ދަތުރުތައް ކުރީގެ ހާލަތަށް އިޔާދަކުރެވިފައިވާ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.
އެ ކުންފުނިން މިއަދު ބުނީ މިއަދުން ފެށިގެން އެ ކުންފުނިން ފޯރުކޮށްދޭ އާރުޓީއެލް ބަހުގެ ހިދުމަތުގައި ހިމެނޭ R11 (އަމީނީ ރޫޓު) ގެ ދަތުރުތައް ކުރީގެ ހާލަތަށް އިޔާދަކުރެވިފައިވާ ކަމަށެވެ.
މީގެއިތުރުން އަމީނީ މަގުގައި ގާއިމުކުރެވިފައިވާ ދަރުބާރުގެ، ކުޑަކުދިންގެ ބަގީޗާ، މާލޭ ހިޔާ އަދި ރެހެންދި ފްލެޓުގެ ބަސް ހުއްޓިތަކަށް މިހާރު ހިދުމަތް ފެށިފައިވާ ކަމަށްވެސް އެކުންފުނިން ބުންޏެވެ.
އަދި އެމްޓީސީސީން ވަނީ މި ރޫޓުގެ ބަސް ދަތުރުތައް އަލުން ފެށުމާ ގުޅޭގޮތުން އިތުރު މައުލޫމާތު ހޯދުމަށް އެ ކުންފުނީގެ ހޮޓްލައިން ނަންބަރު 1650 އަށް ގުޅުމަށް އެދިފައެވެ.
