ދިވެހި ޝެފުންގެ ޖަމިއްޔާ، ޝެފްސް ގިލްޑް އާއި އެމެރިކާގެ ޓްރޭޑް އެސޯސިއޭޝަނެއް ކަމަށްވާ ޔޫއެސް މީޓް އެކްސްޕޯޓް ފެޑެރޭޝަން ގުޅިގެން ކަލިނަރީ ދާއިރާއާ ގުޅުން ހުރި ވޯކްޝޮޕެއް ޗަމްޕާ ސެންޓަރަލް ހޮޓަލުގައި މިއަދު ބާއްވައިފިއެވެ.
މި ވޯކްޝޮޕްގައި އެމެރިކާގެ މަޝްހޫރު ޝެފް ޖޭ މެކާތީ އަދި ޔޫއޭއީގެ ޕީޓާ ޑި ކައުވީ އާއި ދެ ދިވެހި ޝެފުން ކަމަށްވާ އިޝާގް ސޯލިހާއި އަހުމަދު ސަމާން ވަނީ ބައިވެރިވެ މައުލޫމާތު ދީފައެވެ.
މި ވަރކްޝޮޕުގައި ޝެފުންނާއި ސަޕްލަޔަރުންނާއެކު 60 ބައިވެރިވެން ބައިވެރިވެފައިވާއިރު، މި ވޯކްޝޮޕްގައި މައިގަނޑު ގޮތެއްގަައި ކިޔަވައި ދީފާއިވަނީ ގެރިމަސް ތައްޔާރުކުރާނެ ގޮތެވެ.
ޔޫއެސް މީޓް އެކްސްޕޯޓް ފެޑެރޭޝަންއަކީ އެމެރިކާގެ އެއްގަމު މަހުގެ ބާވަތްތައް ބައިނަލްއަގުވާމީ ބާޒާރުގައި ޕްރޮމޯޓް ކުރުމަށް މަސައްކަތް ކުރާ ނަން-ޕްރޮފިޓް ޓްރޭޑް އެސޯސިއޭޝަނެކެވެ. އަދި 2014 ވަނަ އަހަރުން ފެށިގެން މަސައްކަތް ކުރަމުން އަންނަ ޝެފްސް ގިލްޑްއަކީ ދިވެހި ޝެފުންގެ ކުރިއެރުމަށް ގިނަ މަަސައްކަތްތަކެއް ކޮށްފައިވާ ޖަމިއްޔާއެކެވެ.
