ފައިސާއިން މުދަލު ޒަކާތް ނެރުން ވާޖިބުވާ ނިސާބަށް މިއަދު ބަދަލު ގެނެސްފިއެވެ.
މިނިސްޓަރީ އޮފް އިސްލާމިކް އެފެއާޒުން މިއަދު ނެރެފައިވާ ބަޔާނެއްްގައި، މުދަލުގެ ޒަކާތުގެ ނިސާބު ކަނޑައެޅުމުގައި އެ މިނިސްޓްރީން އަމަލުކުރަމުންދާ އުސޫލުގެ ދަށުން, މި މަހުގެ 29 ވަނަ ދުވަހުން ފެށިގެން ފައިސާއިން މުދަލު ޒަކާތް ނެރުން ވާޖިބުވާ ނިސާބަކީ 7,151.90 ކަމަށް ކަނޑައަޅާފައިވާ ކަމަށް ވަނީ ހާމަކޮށްފަައެވެ.
މިނިސްޓްރީން ބުނީ މުދަލު ޒަކާތަކީ އިސްލާމްދީނުގެ ރުކުނަކަށްވާއިރު އެ މީހެއްގެ މިލްކިއްޔާތުގައި ނިސާބު ހަމަވާ މިންވަރަށް ފައިސާ ހުރެ, އެ ފައިސާ ހުންނަތާ ހިޖުރީ 1 އަހަރުވުމުން ޝަރުއީ ހަމަތަކާ އެއްގޮތަށް އޭގެ ސާޅީސްބައިކުޅަ އެއްބައި (%2.5) ނެެރުމަށް ނަސޭހަތްތެރިވާ ކަމަށެވެ.
ފައިސާއިން މުދަލު ޒަކާތް ނެރުން ވާޖިބުވާ ނިސާބަށް އެންމެ ފަހުން ބަދަލު ގެނައީ މިދިޔަ އޭޕްރީލްގައެވެ.
އޭރު ކަނޑައެޅީ 7312.55 ރުފިޔާއެވެ.
