ރަތްވިލާ ގޯޅީގައި ހުންނަ ވެގަ ޕޮއިންޓް ފިހާރައިގައި ރޭ ފަތިހު ހިނގި އަލިފާނުގެ ހާދިސާގައި ހާލުގައި ޖެހުނު ފަރާތްތަކަށް މޯލްޑިވްސް ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން އެހީތެރިކަން ފޯރުކޮށްދޭން ފަށައިފިއެވެ.
އެންޑީއެމްއޭއިން ބުނެފައިވަނީ އަލިފާން މިހާރު ނިއްވާލެވިފައިވާއިރު، ރައްކާތެރި ތަންތަނަށް މީހުން ބަދަލުކުރުމާއި ވަގުތީ ބޯހިޔާވަހިކަން ބޭނުންވެދަނެ ފަރާތްތައް ދެނެގަތުމުގެ މަސައްކަތް އެ އޮތޯރިޓީން ކުރަމުން އަންނަ ކަމަށެވެ.
އަލިފާނުގެ ހާދިސާ ހިނގީ ވެގަ ޕޮއިންޓް ފިހާރަ ހުންނަ އިމާރާތުގައެވެ.
އަލިފާނުގެ ހާދިސާ ހިނގާފައިވަނީ ފަތިހު 04:30 ހާއިރުގައެވެ. ހާދިސާގައި އެ ފިހާރައާއި ފިހާރައިގެ ހުރިހާ މުދަލަކާއި އިމާރާތާއި އަދި އެ ސަރަހައްދުން 15 ވަރަކަށް ސައިކަލު އަނދާފައިވާކަމަށް އެމްއެންޑީއެފުން ބުނެއެވެ.
