އެމެރިކާގެ ރައީސް ޖޯ ބައިޑަންގެ (ފެމިލީޑޯގް) އާއިލީކުއްތާ, ވައިޓް ހައުސްގެ ބައެއް މުވައްޒަފުންގެ ގައިގައި ދަތް އެޅުމާ ގުޅިގެން ވައިޓް ހައުސްއިން ބޭރަށް ނެރެގެން ގެންގޮސްފިއެވެ.
އުމުރުން ދެ އަހަރުގެ، ޖަރުމަނު ޝެފަޑަށް (ކުއްތާއަށް) ދެންވާނެ ގޮތެއް މިވަގުތު ދަންނަވަން ނޭނގޭ ކަމުގައި ގޮތެއް ނިންމަމުންދާ ކަމަށްވެސް ރައީސް ބައިޑަންގެ އަނބިކަނބަލުން ފަސްޓް ލޭޑީ ޖިލް ބައިޑަން ތަރުޖަމާނު ވިދާޅުވިއެވެ. މިދިޔަ ހަފުތާގައި "ކޮމާންޑަރ" ސީކްރެޓް ސާވިސްގެ އޭޖެންޓެއްގެ ގައިގައި ދަތް އެޅުމާ ގުޅިގެން، އެ އެޖެންޓަށް ވަނީ ސިއްހީ އެހީތެރިކަން ހޯދާން ޖެހިފައެވެ.
މިއީ ވައިޓް ހައުސް ކޮމްޕްލެކްސްގައި ނުވަތަ ޑެލަވެއާގައި ހުންނަ އާއިލީ ގޭގައި ކުއްތާ ގާޑެއްގެ ގައިގައި ދަތްއެޅި އެގާރަ ވަނަ ފަހަރެވެ. މިއީ ވަރަށް ބަލައިގެން ރައްކާތެރިކަމަށް ވިސްނައިގެން، ފަރުވާދީ، ހުރިހާ ގޮތަކުންވެސް "ރައްކާތެެރި" ވެފައިވާ ކުއްތާއަކަށްވިޔަސް، ކުއްތާގެ ދަތް އެޅުމުން "ރޭބީސް"ޖެހިދާނެކަމަށް ހާސްވެ ކަންބޮޑުވުމަކީ ތޮބީއީގޮތުން ވެދާނެކަމެކެވެ.
މިހާރު ޖަރމަން ޝެފަޑް "ކޮމާންޑަރ" ވީ ތަނެއް އަދި އެނބުރި އަންނާނެކަމެއް، އަންނާނެ ދުވަހެއް ނުވަތަ ނާންނާނެކަމެއްވެސް ތަރުޖަމާނު ހާމައެއް ނުކުރެއެވެ.
